Mumbai Nariyalwadi Graveyard: ممبئی کا ناریل واڑی قبرستان حکومت کی عدم توجہی کا شکار

ممبئی کی ناریل واڈی قبرستان کا شمار ممبئی کے بڑے قبرستانوں میں ہوتا ہے لیکن اس قبرستان کو دیکھ کر ایسا لگتا ہے کہ قبرستان میں تزئین کاری کے نام پر خانہ پری کی جارہی ہے۔ کچھ برس قبل یہاں اس طرح سے شیڈ بنائے گئے تھے، جو اب پوری طرح سے تباہ ہو چکے ہیں۔

یہ قبرستان داخلی دروازے سے لے کر اندر تک بھیک مانگنے والوں کا مسکن بن گیا ہے جبکہ اندر کے اس علاقے میں صاف صفائی برائے نام دکھائی دی رہی ہے۔ حیرانی اس بات کی ہے کہ اطراف میں مسلم بستیاں ہونے کے باوجود قبرستان کی بدحالی کے بارے میں نہ تو یہاں کے رکن اسمبلی اور نہ ہی دوسرے سرکاری حکام کو اس کی فکر ہے۔

جلد ہی بلدیاتی انتخابات (Mumbai Municipal elections) کا اعلان محکمہ بی ایم سی کرنے والی ہے۔ ایسے میں سماجوادی پارٹی کے رکن اسمبلی ابو عاصم اعظمی (MLA Abu Asim Azmi) نے کہا کہ ہم ایسے ہی مسائل اور بنیادی ضرورتوں کو لیکر اس بار بلدیاتی انتخابات میں اپنے امیدواروں کو مسلمانوں کی نمائندگی کرنے کے لئے میدان میں اتار رہے ہیں تاکہ وہ اس طرح کی بنیادی ضرورتوں سے محروم نہ رہیں۔

ناریل واڈی قبرستان میں جنوبی ممبئی کے اطراف کے علاقے اگریپاڈہ، ناگپاڈہ، مدنپورہ، بائیکلہ، بھنڈی بازار جیسے علاقوں سے تدفین کے لئے لوگ لائے جاتے ہیں۔ ایسے میں قبرستان (Qabristan) کی یہ بدحالی تشویش ناک ہے۔