Mulayam Singh Yadav Death ملائم سنگھ کی لاش سیفائی پہنچی، سی ایم یوگی کا خراج عقیدت

اتر پردیش کے سابق وزیر اعلی ملائم سنگھ یادو کی لاش ان کے آبائی گاؤں سیفائی پہنچ چکی ہے۔ سی ایم یوگی آدتیہ ناتھ نے سابق یوپی سی ایم اور ایس پی سرپرست ملائم سنگھ یادو کو ان کے آبائی گاؤں سیفائی میں خراج عقیدت پیش کیا۔ Mulayam Singh Yadav Death

سیفائی:سماج وادی سرپرست اور اتر پردیش کے سابق وزیر اعلی ملائم سنگھ یادو کی لاش ان کے آبائی گاؤں سیفائی پہنچ چکی ہے۔ سی ایم یوگی آدتیہ ناتھ نے سابق یوپی سی ایم اور ایس پی سرپرست ملائم سنگھ یادو کو ان کے آبائی گاؤں سیفائی میں خراج عقیدت پیش کیا۔ اس موقع پر یوپی حکومت کے وزیر سواتنتر دیو سنگھ اور بی جے پی کے ریاستی صدر بھوپیندر سنگھ چودھری بھی موجود تھے۔ Mulayam Singh Yadav death

ملائم سنگھ یادو کی لاش گروگرام کے میدانتا ہسپتال سے یمنا ایکسپریس وے کے راستے سیفائی لے جائی گئی ہے۔ اس دوران متھرا کے منت اور بجنا میں موجود لوگوں کی بھیڑ نے ملائم سنگھ کو خراج عقیدت پیش کیا۔ جنازہ دیکھ کر لوگوں کی آنکھیں نم ہو گئیں۔ تین بار وزیر اعلیٰ رہ چکے ملائم سنگھ یادو کی آخری رسومات چندن کے لکڑی سے کی جائے گی۔ Mulayam Singh Yadav body arrives Saifai village

واضح رہے کہ سماج وادی سرپرست اور اتر پردیش کے سابق وزیر اعلی ملائم سنگھ یادو کا پیر کے روز انتقال ہو گیا۔ ان کی عمر 82 برس تھی۔ انہوں نے آج صبح 8:15 پر آخری سانس لی۔ ملائم سنگھ یادو کو کچھ دن پہلے پیشاب میں انفیکشن، بلڈ پریشر اور سانس لینے میں دشواری کی وجہ سے میدانتا ہسپتال میں داخل کرایا گیا تھا۔ بتا دیں کہ اکھلیش یادو نے ایک ٹویٹ کرتے ہوئے بتایا تھا کہ سب کے ہر دل عزیز اور عوامی رہنما ملائم سنگھ یادو اب اس دنیا میں نہیں رہے۔

سابق وزیر اعلیٰ ملائم سنگھ یادو 22 نومبر 1939 کو اٹاوہ ضلع کے سیفائی گاؤں میں ایک کسان خاندان میں اپنی آنکھیں کھولیں۔ ان کے والد کا نام سوگھر سنگھ یادو اور ماں کا نام مورتی دیوی ہے۔ انہوں نے اپنے سفر کا آغاز ریسلنگ سے کیا، سیاست میں آنے سے پہلے ملائم سنگھ یادو انٹر کالج میں کچھ عرصے تک درس و تدریس کی خدمات انجام دیا۔ ملائم سنگھ یادو سنہ 1967 میں پہلی بار اتر پردیش قانون ساز اسمبلی کے رکن منتخب ہوئے۔ اس کے بعد سے انہوں نے پیچھے موڑ کر نہیں دیکھا۔

سنہ 1977 میں پہلی بار اتر پردیش کی جنتا پارٹی حکومت میں وزیر مملکت بنے۔ ملائم، جو چرن سنگھ کے قریبی تھے سنہ 1980 میں لوک دل کے صدر بنے اور 1982 میں قانون ساز کونسل میں اپوزیشن کے لیڈر منتخب ہوئے۔ وہ سنہ 1989 میں جنتا دل کی جیت کے بعد پہلی بار یوپی کے وزیر اعلیٰ بنے۔ سنہ 1992 میں انہوں نے سماج وادی پارٹی بنائی اور 1993 میں دوسری بار اتر پردیش کے وزیر اعلیٰ بنے۔ سنہ 2003 میں وہ تیسری بار یوپی کے سی ایم بنے۔ سنہ 2004 میں انہوں نے گنور اسمبلی سیٹ پر ریکارڈ ووٹوں سے کامیابی حاصل کی۔