Mulayam Singh Yadav Death ملائم سنگھ یادو کی موت پر سیاسی رہنماؤں کا اظہار افسوس

سماج وادی پارٹی کے سربراہ و اترپریش کے سابق وزیر اعلیٰ ملائم سنگھ یادو 82 برس کی عمر میں انتقال کرگئے۔ ملائم سنگھ یادو کے انتقال پر صدریہ جمہوریہ و وزیر اعظم مودی سمیت متعدد رہنماؤں نے غم کا اظہار کیا۔ Mulayam Singh Yadav Death

نئی دہلی: سماج وادی پارٹی کے سربراہ و اترپردیش کے سابق وزیر اعلی ملائم سنگھ یادو طویل علالت کے بعد پیر کے روز صبح 8:16 بجے انتقال کرگئے۔ ملائم سنگھ یادو کو 22 اگست کو میدانتا ہسپتال میں داخل کرایا گیا تھا پھر یکم اکتوبر کی رات انہیں آئی سی یو میں منتقل کیا گیا۔ میدانتا کے ڈاکٹروں کا پینل سمیت کئی ڈاکٹرس ملائم سنگھ یادو کا علاج کر رہے تھے۔ بالآخر آج صبح 8:16 بجے پر وہ انتقال کر گئے۔ صدر جمہوریہ دروپدی مرمو نے ملائم سنگھ یادو کے انتقال پر تعزیت کا اظہار کیا ہے۔ انہوں نے ٹویٹ کیا اور کہا، 'ملائم سنگھ یادو کی موت ملک کے لیے ایک ناقابل تلافی نقصان ہے۔

وزیر اعظم مودی نے ملائم سنگھ یادو کے انتقال پر تعزیت کا اظہار کیا ہے۔ انہوں نے ٹویٹ کر کے لکھاکہ 'ملائم سنگھ یادو جی نے یوپی اور قومی سیاست میں اپنی الگ پہچان بنائی۔ وہ ایمرجنسی کے دوران جمہوریت کے لیے ایک کلیدی سپاہی تھے۔ وزیر دفاع کی حیثیت سے انہوں نے ایک مضبوط بھارت کے لیے کام کیا اور قومی مفاد کو آگے بڑھانے پر زور دیا گیا تھا۔

نیتا جی کی موت پر کانگریس نے ٹویٹ کیا، "سماج وادی پارٹی کے سربرای، ملک کے سابق وزیر دفاع اور اتر پردیش کے سابق وزیر اعلیٰ ملائم سنگھ یادو جی کی موت بھارتی سیاست کے لیے ایک ناقابل تلافی نقصان ہے۔" اشور انہیں اپنی چرنوں میں جگہ دے اور ان کے اہل خانہ اور پسماندگان کو یہ صدمہ برداشت کرنے کی توفیق عطا فرمائے۔

وزیر داخلہ امت شاہ نے بھی نیتا جی کے انتقال پر تعزیت کا اظہار کیا ہے۔ انہوں نے لکھاکہ 'ملائم سنگھ یادو جی اپنی بے مثال سیاسی مہارت کے ساتھ کئی دہائیوں تک سیاست میں سرگرم رہے۔ ایمرجنسی میں انہوں نے جمہوریت کی بحالی کے لیے آواز بلند کی۔ وہ زمین سطح کے لیڈر کے طور پر ہمیشہ یاد کیے جائیں گے۔ ان کی موت بھارتی سیاست میں ایک دور کا خاتمہ ہے۔ میں دکھ کی اس گھڑی میں ان کے اہل خانہ اور حامیوں کے ساتھ تعزیت کا اظہار کرتا ہوں۔

وزیر دفاع اور لکھنؤ لوک سبھا سیٹ کے رکن پارلیمنٹ راج ناتھ سنگھ نے بھی نیتا جی کی موت پر غم کا اظہار کیا ہے۔ انہوں نے کہا، 'شری ملائم سنگھ یادو جی زمینی رہنما تھے جنہوں نے کئی دہائیوں تک اتر پردیش کی سیاست میں نمایاں کردار ادا کیا۔ اپنی طویل عوامی زندگی میں انہوں نے کئی عہدوں پر کام کیا اور ملک، سماج اور ریاست کی ترقی میں اپنا کردار ادا کیا۔ اس کی موت بہت تکلیف دہ ہے۔

اتر پردیش حکومت نے ریاستی سوگ کا اعلان کیا: اتر پردیش حکومت نے ملائم سنگھ یادو کے انتقال پر تین روزہ ریاستی سوگ کا اعلان کیا ہے۔ وزیر اعلی یوگی آدتیہ ناتھ کا کہنا ہے کہ ان کی آخری رسومات پورے سرکاری اعزاز کے ساتھ ادا کی جائیں گی۔