Mukhtar Abbas Naqvi on Budget مختار عباس نقوی نے مرکزی بجٹ کو خوش آئند قرار دیا

عالمی کساد بازاری کے باوجود یہ بجٹ ملک کی ہمہ گیر ترقی، دیہات کے غریب، کسان، کچی آبادی، کھیتی باڑی کی فکر کے لیے وقف ہے۔ یہ وزیر اعظم نریندر مودی کی دور اندیش قیادت کا نتیجہ ہے کہ آج بھارت کی معیشت ہر طرح کے بحرانوں اور کانٹوں کے دوران بھی متاثر نہیں ہوئی ہے۔

نئی دہلی: مرکزی وزیر نرملا سیتارمن نے آج پارلیمنٹ میں 2023-24 کا بجٹ پیش کیا ہے جہاں ایک جانب اس بجٹ کو عوام کے لیے ایک خاص بجٹ بتاکر اپنی پیٹ تھپتھپائی جا رہی ہے وہیں حزب اختلاف کی تمام سیاسی جماعتیں اس بجٹ کو مایوس کن بتا رہی ہیں۔ ایسے میں سابق مرکزی وزیر مختار عباس نقوی نے بھی سال 2023-23 کے بجٹ کو خوش آئند قرار دیا ہے۔ مختار عباس نقوی کا کہنا ہے کہ یہ بجٹ خود انحصار، مضبوط، قابل ہندوستان کے کامیاب سفر کا ساتھی ہے۔

انہوں نے مزید کہا کہ ایک طرف دنیا معاشی کساد بازاری اور بحران سے گزر رہی ہے تو دوسری طرف ’’انڈیا بیشنگ بریگیڈ‘‘ کی ’’بکواس بہادری‘‘ جاری ہے۔ پوری دنیا کے معاشی بحران اور کساد بازاری کو شکست دیتے ہوئے اور بیہودہ بہادری کو شکست دیتے ہوئے یہ بجٹ ملک کی ہمہ گیر ترقی، دیہات کے غریب، کسان، کچی آبادی، کھیتی باڑی کی فکر کے لیے وقف ہے۔ یہ بجٹ ملک کو ہمہ گیر بااختیار بنانے کا ’’گزٹ‘‘ ہے۔ یہ وزیر اعظم نریندر مودی کی دور اندیش قیادت کا نتیجہ ہے کہ آج ہندوستان کی معیشت ہر طرح کے بحرانوں اور کانٹوں کے دوران بھی متاثر نہیں ہوئی ہے۔

حالانکہ سال 2022-23 کے بجٹ کے مطابق وزارت اقلیتی امور کے بجٹ میں ایک بڑی کٹوتی کی گئی ہے تاہم اس کے باوجود مختار عباس نقوی اس بجٹ کی تعریفیں کرتے نظر آ رہے ہیں۔ اس بجٹ کے مطابق سابق مرکزی وزیر کے دور میں جاری دستکاری سے متعلق اسکیمز کو بھی بند کردیا گیا ہے جبکہ اس سے قبل سابق مرکزی وزیر انہیں اپنی حکومت کی اقلیتی برادری کی ترقی میں حصہ دار مانتی تھی۔