Life Of Hazrat Umar Farooq: حضرت عمر فاروقؓ جیسے عدل و انصاف کی مثال نہیں مل سکتی، مفتی ارقم

آج محرم الحرام کی پہلی تاریخ ہے اور آج ہی کے دن حضرت عمر فاروق رضی اللہ تعالیٰ عنہ کو شہید کیا گیا تھا۔ اس موقع پر مفتی ارقم قاسمی نے حضرت عمر فاروق رضی اللہ تعالیٰ عنہ کی حیات مبارکہ پر تفصیلی روشنی ڈالی۔ Life Of Hazrat Umar Farooq

بارہ بنکی:ماہ محرم الحرام تاریخی اعتبار سے نہایت اہمیت کا حامل ہے۔ تاریخی اعتبار سے اس ماہ میں کئی اہم واقعات پیش آئے۔ آج محرم کی پہلی تاریخ ہے اور آج حضرت عمر فاروق رضی اللہ تعالیٰ عنہ کا یوم شہادت ہے۔ اس موقع پر مفتی ارقم قاسمی نے ای ٹی وی بھارت اردو سے بات چیت کرتے ہوئے حضرت عمر فاروق رضی اللہ تعالیٰ عنہ کی حیات مبارک اور ان کی شہادت پر تفصیل سے روشنی ڈالی۔ Mufti Arqam Qasmi on Martyrdom Anniversary of Hazrat Umar Farooq

انہوں نے بتایا کہ حضرت عمر فاروق رضی اللہ تعالیٰ عنہ ہمیشہ اپنے عوام کے لئے فکر مند رہتے تھے۔ وہ ہمیشہ حق و انصاف کی بات کرتے تھے۔ ان کے دور اقتدار میں کوئی بھی شخص بھوکا نہیں سوتا تھا۔ وہ عوام کی ہر ممکن مدد کرتے تھے۔ کوئی حاکم کسی غلام پر ظلم نہیں کرسکتا تھا، اس معاملہ میں وہ کافی سخت تھے۔ انہوں نے سب سے پہلے پولیس اور فوج کا نظام بنایا تھا۔ وہ نماز کے بہت پابند تھے، جس وقت ان کی شہادت ہوئی، وہ حالت نماز میں تھے۔ قاتل نے جب تلوار سے ان پر حملہ کیا تو ان کا پیٹ چاک ہوگیا تھا لیکن انہوں نے اپنی نماز کو ترک نہیں کیا بلکہ اپنے قائم مقام کو آگے بڑھا دیا۔ Martyrdom Anniversary of Hazrat Umar Farooq