گزشتہ ایک ہفتے سے اس عالمی وباء سے ہلاک ہونے والوں کی تعداد میں مسلسل اضافہ ہوتا جارہا ہے۔ گزشتہ رات 116 مزید مریضوں اور دن میں 158 افراد کی موت ہوچکی ہے۔ یہ تعداد ہفتہ کے روز 140، جمعہ کو 117، جمعرات کو 126، بدھ 133، منگل اور پیر 97 اور اتوار کے روز 100 درج کی گئی تھی۔
دریں اثنا ء، ملک میں اب تک دو کروڑ 97 لاکھ 38 ہزار سے زائد افراد کو کورونا کے ٹیکے لگائے جاچکے ہیں۔
مختلف ریاستوں سے موصولہ اطلاعات کے مطابق گزشتہ رات تک جاری ہونے والے اعداد و شمار میں کورونا وائرس کے 25959 نئے متاثرین سامنے آئے ہیں، جبکہ گزشتہ روز 25317 نئے متاثرین رپورٹ ہوئے ہیں۔ ملک میں متاثرہ افراد کی مجموعی تعداد ایک کروڑ 13 لاکھ 84 ہزار 604 ہوگئی ہے۔ جبکہ اب تک 11005165 مریض صحتیاب ہوگئے ہیں۔
زیر علاج مریضوں کی تعداد 5483 بڑھنے سے ان کی تعداد216027 ہوگئی ہے۔ اسی مدت میں 116 مزید اموات کے ساتھ اس بیماری سے ہلاک ہونے والوں کی تعداد 158758 ہوگئی ہے۔
ملک میں شفایابی کی شرح جزوی طور پر کم ہوکر 96.66 فیصد ہوگئی ہے۔
