Russia Ukraine War: یوکرین میں پھنسے 182 بھارتی شہری ممبئی پہنچے

یوکرین میں پھنسے 182 بھارتی شہریوں کو لے کر ساتویں آپریشن گنگا فلائٹ بخارسٹ (رومانیہ) سے ممبئی پہنچی۔ 182 passengers returned to India From Ukraine

آپریشن گنگا فلائٹ کے تحت ساتواں طیارہ بھارتی شہریوں کو لے کر ممبئی پہنچا۔ اس موقع پر ایئر انڈیا ایکسپریس فلائٹ کے ترجمان نے بتایا کہ 'یوکرین روس تنازع کے درمیان ایئر انڈیا ایکسپریس کی پرواز منگل کی صبح رومانیہ کے دارالحکومت بخارسٹ سے 182 بھارتی شہری کو لےکر ممبئی پہنچی۔

ترجمان نے کہا کہ 'مرکزی وزیر نارائن رانے نے ممبئی ہوائی اڈے پر وطن پہنچنے والے مسافروں کا استقبال کیا۔' Air India Express flight with 182 Indians arrive Mumbai from Ukraine

یوکرین سے بھارتی شہریوں کو واپس لانے کے لیے ایک طیارہ پیر کو ممبئی کے چھترپتی شیواجی مہاراج بین الاقوامی ہوائی اڈے سے بخارسٹ کے لیے روانہ ہوا تھا۔

گذشتہ 27 فروری سے یوکرین سے بھارتیوں کو واپس لانے کے لیے بخارسٹ سے ممبئی کے لیے یہ دوسری پرواز ہے۔

یوکرین روس تنازع کے دوران بھارت رومانیہ، ہنگری اور پولینڈ کے ذریعے وہاں پھنسے اپنے شہریوں کو نکال رہا ہے۔