مرادآباد: پیتل کاروباری سے خصوصی گفتگو

وزیراعلی یوگی آدتیہ ناتھ آج مرادآباد کے اسمبلی ٹھاکر دوارا کے گاؤں رتو پورا میں منعقد جلسۂ عام کو خطاب کرنے پہنچے۔ وزیر اعلیٰ یوگی آدتیہ ناتھ نے تقریباً 70 کروڑ روپے کے ترقیاتی منصوبوں کا افتتاح کیا۔ اس دوران ایک ڈسٹرکٹ ایک پروڈکٹ منصوبے کے تحت مرادآباد کے مقامی شبلی میاں کو بھی وزیر اعلیٰ یوگی آدتیہ ناتھ کے ہاتھوں پچاس لاکھ روپے کا چیک دیا گیا۔

مرادآباد کے پیتل کاروباری شبلی میاں سے ہمارے ای ٹی وی بھارت اردو کے نمائندہ نے خاص بات چیت کی۔ شبلی میاں نے ای ٹی وی بھارت اردو سے خاص بات چیت کرتے ہوئے کہا کہ آج مجھے وزیر اعلیٰ یوگی آدتیہ ناتھ کے ذریعہ کاروبار کرنے کے لیے پچاس لاکھ روپیہ کا چیک دیا گیا ہے۔

انہوں نے کہا کہ میں اس کے لئے وزیر اعلیٰ کا شکرگذار ہوں۔ شبلی میاں نے مزید کہا کہ 'ون ڈسٹرکٹ ون پروڈکٹ' منصوبے کے تحت آسانی سے لون مل رہا ہے۔ میں نے اس منصوبے کے تحت دو کروڑ روپیے لون کے لئے تجویز بھیجی تھی جو بہت کم وقت اور آسان طریقہ سے ہوگیا۔

پیتل کاروباری شبلی میاں نے مزید کہا کہ ہر کسی کو تعلیم حاصل کرنا چاہیے۔ تعلیم سے ہی معلومات ہوتی ہے کہ مرکزی حکومت اور صوبائی حکومت میں کون کون سے منصوبے چلائے جارہے ہیں، جن کا فائدہ انسان آسانی سے اٹھاسکتا ہے۔