بھارتی کرکٹ ٹیم کے سابق کپتان محمد اظہر الدین کے والد کا انتقال

بھارت کی کرکٹ ٹیم کے سابق کپتان اور صدر حیدرآباد کرکٹ ایسوسی ایشن محمد اظہر الدین کے والد محمد عزیزالدین کا انتقال ہوگیا ہے۔

معروف کرکٹر و کانگریس رہنما محمد اظہر الدین کے والد محمد عزیز الدین صاحب کا آج انتقال ہوگیا۔ وہ طویل عرصہ سے پھیپھڑوں کے عارضہ میں مبتلا تھے اور ہسپتال میں زیر علاج تھے۔ آج محمد عزیز الدین صاحب نے آخری سانس لی۔

اطلاعات کے مطابق 19 اکتوبر بروز چہارشنبہ بعد نماز ظہر مسجد بقیع ، بنجارہ ہلز میں نماز جنازہ ادا کی جائے گی۔