آج وزیراعظم مودی کووڈ ٹیکہ کاری مہم پر جائزہ میٹنگ کریں گے

وزیراعظم نریندر مودی بدھ کے روز کووڈ ٹیکہ کاری مہم (covid vaccination campaign) میں پیچھے رہنے والے اضلاع کے ضلع مجسٹریٹس کے ساتھ جائزہ میٹنگ کریں گے۔ یہ میٹنگ آئن لائن ہوگی اور کووڈ ٹیکہ کاری مہم میں تیزی لانے پر مرکوز ہوگی۔

اعداد و شمار کے مطابق ملک میں 107.29 کروڑ لوگوں کو کووڈ ویکسین کی کم از کم ایک خوراک دی جا چکی ہے۔ تاہم کئی اضلاع میں کووڈ ٹیکہ کاری مہم کی رفتار سست ہے۔ اس پر تبادلہ خیال کرنے کے لیے وزیراعظم نے متعلقہ ضلع مجسٹریٹس کے ساتھ جائزہ میٹنگ بلائی ہے۔

میٹنگ میں مقامی سطح پر ٹیکہ کاری کے دوران پیش آ رہی مشکلات اور ان کے آزالہ پر تبادلہ خیال کا امکان ہے۔

(یو این آئی)