سنگرامہ میں جدید جم سینٹر قائم

جم سینٹر کے مالک منصور وانی نے بتایا کہ اس وقت کشمیر میں نوجوان منشیات اور دیگر بری عادتوں میں مبتلا ہو رہے ہیں اس لئے انہوں نے فیصلہ کیا کہ وہ ضلع بارہمولہ میں سب سے بہترین جم سینٹر قائم کریں گے۔ انہوں نے کہا اس کام ان کے والد صاحب اور بھائی نے مدد کی۔

شمالی کشمیر کے ضلع بارہمولہ کے سنگرامہ علاقے سے تعلق رکھنے والے منصور وانی نے نوجوانوں کے لئے ایک اعلیٰ قسم کے جم سینٹر کا افتتاح کیا۔

منضور وانی کے مطابق انہوں نے اس جم سینٹر میں جدید ترین روبوٹکس مشینری (robotics machinery) لگائی تاکہ نوجوان طبقہ اس جم سینٹر کا فائدہ اٹھا کر اچھی صحت بنا سکے۔منصور وانی نے بتایا کہ اس وقت کشمیر میں نوجوان منشیات اور دیگر بری عادتوں میں مبتلا ہو رہے ہیں، اس لئے انہوں نے فیصلہ کیا کہ وہ ضلع بارہمولہ میں سب سے بہترین جم سینٹر قائم کریں گے۔ انہوں نے کہا اس کام ان کے والد صاحب اور بھائی نے مدد کی۔

انہوں نے مزید بتایا کہ اس جم سینٹر کی خاص بات یہ ہے کہ اس میں سرٹیفائڈ ٹرینر (certified trainer) نوجوانوں کو باڑی بلڈنگ کی صحیح تربیت دے سکیں گے۔

اس موقع پر جموں و کشمیر کے معروف کرکٹ کومنٹریٹر خان راجہ نے بتایا کہ آج وہ سرینگر سے بارہمولہ آئے اور کافی خوش ہے کہ منصور وانی نے اپنے علاقے میں بہترین جم سینٹر کا قیام عمل میں لایا۔

انہوں نے نوجوان طبقے سے گزارش کی کہ وہ اپنی صحت کی طرف توجہ دے اور اس جم سینٹر کا فائدہ اٹھا کر اپنا قیمتی وقت ضائع نہ کرے۔آخر پر مقامی لوگوں نے منصور وانی کو یہ پہل کرنے کے لئے مبارک باد دی اور ان کی حوصلہ افزائی کی۔