Class 12 Boy Makes Mini-Tractor For 40k in Bathinda: بھٹنڈہ میں طالب علم نے بنائی منی ٹریکٹر

پنجاب کے بھٹنڈہ میں ایک طالب علم نے منی ٹریکٹر بنایا ہے۔ جسے دکھنے کے لیے ان کے یہاں ہجوم لگا ہوا ہے۔ اس ٹریکٹر کو بنانے میں تقریباً 40 ہزار روپے کا خرچ آیا ہے۔Mini Tractor Developed By Student

بھٹنڈہ کے ایک نوجوان نے پڑھائی کے دوران ایک منی ٹریکٹر بنایا ہے۔ گرویندر سنگھ نامی نوجوان نے یہ کارنامہ انجام دیا ہے۔ اس نوجوان نے ایک ٹریکٹر ڈیزائن کیا ہے جو کہ انتہائی منفرد ہے۔ یہ ٹریکٹر ایک لیٹر ڈیزل سے 35 کلومیٹر تک چلتا ہے۔Mini Tractor Developed By Student

یہ ٹریکٹر چار کوئنٹل تک کا بوجھ اٹھا سکتا ہے۔ میڈیا سے بات چیت کے دوران گورویندر سنگھ نے بتایا کہ وہ 12ویں کلاس کا طالب علم ہے اور اسے بچپن سے ہی ٹریکٹر بنانے کا شوق تھا۔ اس نے بتایا کہ جب وہ چھوٹا تھا تو چھوٹے ٹریکٹر بناتا تھا۔ جیسے جیسے وہ بڑا ہوا اس نے بڑے ٹریکٹر بنانے شروع کر دیئے۔ انہوں نے بتایا کہ یہ ٹریکٹر لاک ڈاؤن کے دوران تیار کیا گیا ہے۔ گروندر سنگھ کے مطابق اس ٹریکٹر کو بنانے میں 40 ہزار روپے خرچ ہوئے ہیں۔

انہوں نے بتایا کہ جب وہ ٹریکٹر پر شہر جاتا ہے تو بہت سے لوگ ان کے ساتھ تصاویر کلک کرواتے ہیں۔ دوسری جانب گروندر سنگھ کی اس کامیابی پر ان کے والد سادھو سنگھ بہت خوش ہیں۔ اس موقع پر ان کے والد سادھو سنگھ نے کہا کہ مجھے اپنے بیٹے پر بہت فخر ہے۔ انہوں نے کہا کہ اس ٹریکٹر کی وجہ سے ہمارے بہت سے کام آسان ہو گئے ہیں۔ انہوں نے کہا کہ اگر میں دوسرا ٹریکٹر لیتا تو بہت مہنگا ہوتا لیکن اب یہ چند ہزار میں ہی ہو گیا ہے۔