مجلس اتحاد المسلمین کے معتمد عمومی و رکن اسمبلی سید احمد پاشاہ قادری اور رکن قانون ساز کونسل آمین الحسن جعفری نے ڈائریکٹر جنرل آف پولیس مہندی ریڈی سے ملاقات کی اور عید الاضحی کے پیش نظر قربانی کے جانوروں کی حفاظت کو یقینی بنانے کی اپیل کی۔
انہوں نے کہا کہ عیدالاضحیٰ کی آمد کے ساتھ ہی فرقہ پرست طاقتوں کی جانب سے جانوروں کو روکنے کا سلسلہ شروع ہوجاتا ہے اور بعض مقامات پر یہ پولیس کی موجودگی میں بھی اپنی کارروائی انجام دیتے ہیں اور اس موقع پر پولیس خاموش تماشائی بن جاتی ہے۔
اس کے علاوہ اوور لوڈنگ کے نام پر پولیس بھی مویشی لانے والے افراد کو ہراساں کرتی ہے۔ ڈی جی پی نے تیقن دیا کہ پولیس کے اعلیٰ افسران کے ساتھ ایک اجلاس میں یہ بات زیر بحث لائی جائے گی اور اس مسئلہ کا حل نکالا جائے گا۔