Pattan Baramulla Encounter ہلاک عسکریت پسند اگنی ویر ریلی کو نشانہ بنانا چاہتے تھے، پولیس

شمالی کشمیر کے ضلع بارہمولہ کے پٹن میں ہوئے انکاؤنٹر میں دو عسکریت پسند مارے گئے ہیں۔ اسی درمیان پولیس نے پریس کانفرنس کر کے دعویٰ کیا ہے کہ پٹن انکاؤنٹر میں ہلاک عسکریت پسند بارہمولہ میں اگنی ویر ریلی کو نشانہ بنانا چاہتے تھے۔ Pattan Baramulla Encounter

شمالی کشمیر کے ضلع بارہمولہ کے پٹن یدی پورہ میں عسکریت پسند اگنی ویر ریلی کو نشانہ بنانا چاہتے تھے۔ ایس ایس پی بارہمولہ کی جانب سے ایک پریس کانفرنس میں اس بات کا انکشاف کیا گیا۔ Pattan Baramulla Encounter

ایس ایس پی بارہمولہ رئیس محمد کے مطابق اس تصادم میں دو نامعلوم عسکریت پسندوں کو ہلاک کیا گیا ہے اور ان کے قبضے سے ہتھیار بھی برآمد کیے گئے ہیں۔ انہوں نے بتایا کہ یہ تصادم آج صبح شروع ہوا تھا اور کچھ دیر پہلے دو عسکریت پسندوں کی ہلاکت کے بعد ختم ہوا۔ ایس ایس پی کے مطابق یہ عسکریت پسند پٹن میں حملے کے فراق میں تھے اور آج ہم نے ان دونوں عسکریت پسندوں کو ہلاک کر دیا۔ سیکورٹی فورسز کے لے کافی بڑی کامیابی ہے۔

واضح رہے کہ جموں وکشمیر کے ضلع بارہمولہ کے پٹن علاقے کے یدی پورہ میں سکیورٹی فورسز اور عسکریت پسندوں کے درمیان انکاؤنٹر شروع ہوا تھا۔ اس دوران دو عسکریت پسند کے ہلاک ہونے کی اطلاع ہے۔ ان کا تعلق جیش محمد سے بتایا جا رہا ہے۔ اس سے قبل علاقے میں متعدد عسکریت پسندوں کے چھپے ہونے کا خدشہ ظاہر کیا گیا تھا۔