Militants Killed in Balakot Sector بالا کوٹ سیکٹر میں دو عسکریت پسند ہلاک، سرچ آپریشن جاری

بالا کوٹ سیکٹر میں فوجی اہلکاروں نے سرچ آپریشن کے دوران دو عسکریت پسندوں کو ہلاک کر دیا ہے۔ فی الحال پورا علاقہ محاصرے میں ہے اور تلاشی مہم جاری ہے۔ Militants Killed in Balakot Sector

جموں: جموں وکشمیر کے بالا کوٹ سیکٹر میں سکیورٹی فورسز کی جانب سے ڈانگری حملے میں ملوث عسکریت پسندوں کی گرفتاری کے لیے کارروائیاں جاری ہیں۔ بالاکوٹ کے سرحدی باڑ پر تعینات الرٹ فوجیوں نے اب تک دو عسکریت پسندوں کا سراغ لگا کر انہیں ہلاک کر دیا۔ علاقے کو گھیرے میں لے لیا گیا ہے اور سرچ آپریشن جاری ہے۔ اطلاعات کے مطابق ہفتے کی شام کو پونچھ کے بالا کوٹ سیکٹر میں فوج کی گشتی پارٹی نے سرحد کے نزدیک مشکوک افراد کی نقل وحرکت دیکھی جس کے بعد علاقے میں پانچ منٹ تک گولیاں چلنے کی آوازیں سنائی دیں۔ Militants Killed in Balakot Sector

دفاعی ذرائع نے بتایا کہ بالا کوٹ سیکٹر میں 19 مدراس رجمنٹ سے وابستہ اہلکار معمول کے گشت پر تھے کہ اس دوران سرحد کے نزدیک مشکوک افراد کو دیکھا گیا۔ اُن کے مطابق مشتبہ افراد کو للکارنے کی خاطر فوج نے فائرنگ کی۔ انہوں نے کہا کہ علاقے میں بڑے پیمانے پر تلاشی آپریشن شروع کردیا گیا۔ Firing in Poonch Balokot