ریاست مہاراشٹر میں ممبئی یوتھ کانگریس کے صدر کے عہدے پر ذیشان صدیقی کو منتخب کیا گیا ہے، ذیشان سب سے کم عمر کے رکن اسمبلی ہیں۔ اس سے قبل اس عہدے پر سورج سنگھ ٹھاکر منتخب ہوئے تھے، اُنہوں نے آج اس عہدے سے استعفیٰ دے دیا ہے۔
ممبئی کانگریس کے صدر دفتر میں ذیشان صدیقی کا پرجوش استقبال کیا گیا۔
ذیشان صدیقی نے ای ٹی وی بھارت سے بات چیت میں کہا کہ ہماری تیاری آنے والے بلدیہ انتخابات کو لیکر تیز ہوگی کیونکہ بلدیہ میں نوجوانوں کی ضرورت ہے جو عوام کے مسائل کو لیکر ہمہ وقت تیار رہیں گے۔
اُنہوں نے کہا کہ ہمارا مقصد کارپوریشن میں کارپوریٹر کے لئے نوجوانوں کو تیار کرنا اور اُنکی خدمات سے یوتھ کانگریس کو مضبوط و مستحکم بنانا ہے۔
سینیئر کانگریس رہنماؤں اور یوتھ کانگریس کے مابین چلنے والی اندرونی جنگ کے حوالے سے اُنہوں نے کہا کہ نوجوانوں کو پورا حق ہے کہ وہ اپنی آواز بلند کریں اور ان کی آواز سنی جائیگی۔
مزید پڑھیں:۔مہاراشٹر: قربانی کے لیے حکومتی گائیڈ لائنز پر تذبذب برقرار
انہوں نے کہا کہ تلخیاں ہر گھر میں رہتی ہیں کانگریس پارٹی میں بھی نوک جھوک چلتی رہتی ہے اور یہی نوک جھوک سے اپنی بات اور اپنے مسائل سامنے رکھنے کے مواقع ملتے ہیں۔
