راجوری:جموں و کشمیر کے ضلع راجوری میں مزدوروں نے مظاہرہ کرتے ہوئے تنخواہ کی واگزاری کے ساتھ ساتھ تنخواہ میں اضافہ کا مطالبہ کیا۔ اس موقع پر اسٹیٹ سنٹر آف انڈیا ٹریڈ یونین جموں کشمیر کے جنرل سیکرٹری اوم پرکاش نے کہا کہ گورنمنٹ آف انڈیا کی طرف سےشائع کی گی فہرست کے مطابق مزدوروں کو کمپنیوں کی طرف سے تنخواہ نہیں مل رہی ہے اور دھرم راج کمپنی میں کام کررہے ملازمین کو تین ماہ سے تنخواہ نہیں ملی ہے۔Mazdoor union protest aganist DRCC at Rajouri
مزید پڑھیں:۔ نوئیڈا: صفائی مزدور یونین کا احتجاج
انہوں نے کہا کہ تمام نجی کمینیوں میں کام کررہے ملازمین کے ساتھ زیادتی ہورہی ہے، خصوصا ضلع راجوری میں واقع دھرم راج کمپنی کے ملازمین کے ساتھ زیادہ زیادتی ہو رہی ہے، جس کو مزدور یونین کبھی برداشت نہیں کرے گی۔ انہوں نے دھرم راج کمپنی کے ڈائریکٹر سے گزارش کی ہے کہ ان ملاذمین کی تنخواہ واگزار کی جائے اور انکی تنخواہ میں اضافہ کیا جائے۔ انہوں نے مزید کہاکہ اگر کمپنی ان کی تنخواہ جلد واگزار نہیں کرتی اور انکی تنخواہ میں اضافہ نہیں کرتی تو مزدور یونین ایک بڑا احتجاج کرے گی اور اس دوران کچھ ہوا تو اسکی تمام ذمہداری دھرم راج کمپنی کی ہوگی۔