بارہ بنکی : بس اور ٹرک میں ٹکر، 9 سے زائد افراد ہلاک

بارہ بنکی میں والوو بس اور ٹرک کے آمنے سامنے ہوئے تصادم میں 9 سے زائد افراد ہلاک ہوئے گئے ہیں۔ جبکہ 27 افراد شدید طور پر زخمی ہو گئے ہیں۔

ریاست اتر پردیش کے بارہ بنکی میں جمعرات کی صبح ایک والوو بس اور ٹرک کے آمنے سامنے ہوئے ٹکر میں 9 سے زائد افراد ہلاک ہوئے گئے ہیں۔ جبکہ 27 افراد شدید طور پر زخمی ہو گئے ہیں۔ ریاستی حکومت نے مہلوکین کے اہل خانہ کے لئے 2 لاکھ روپیے کے معاوضہ اور زخمیوں کے لئے 50 ہزار روپے کی مدد کا اعلان کیا ہے۔

واضح ہو کہ والوو بس نمبر UP40T9786 دہلی سے بہرائیچ سواری لے کر جا رہی تھی، بارہ بنکی کے دیوی تھانہ حلقے کے ببرہا گاؤں کے پاس جیسے ہی یہ بس پہونچتی ہے۔ وہاں ایک ٹرک سامنے سے ٹکرا جاتا ہے۔ ٹکر اس قدر زبردست تھا کہ بس اور ٹرک کے پرخچے اڑ گئے۔ حادثے میں اب تک 9 افراد کے ہلاک ہونے کی تصدیق ہو چکی ہے۔ جبکہ 27 افراد شدید طور پر زخمی ہیں۔

تمام زخمیوں کا علاج ضلع ہسپتال میں جاری ہے، جبکہ شدید زخمیوں کو لکھنؤ کے ٹراما سینٹر بھیج دیا گیا ہے۔

حادثے کے بعد سے پولیس اور انتظامیہ ریسکیو آپریشن میں لگا ہوا ہے۔ متاثرین کی مدد کے لئے انتظامیہ نے ہیلپ لائین نمبر بھی جاری کیا ہے۔

دوسری جانب وزیراعلیٰ یوگی آدتیہ ناتھ نے اس حادثے پر رنج کا اظہار کرتے ہوئے معاوضے کا اعلان کیا ہے۔