نئی دہلی: دہلی شراب گھوٹالے میں ای ڈی کا اثر بڑھتا جا رہا ہے۔ ہفتہ کو ڈپٹی سی ایم منیش سسودیا کے پی اے دیویندر شرما کو ای ڈی نے دہلی سے گرفتار کیا۔ بتایا جاتا ہے کہ ای ڈی نے آج ہی چھاپے مارے ہیں۔ خود سسودیا نے ٹویٹ کرکے اس کی جانکاری دی ہے۔Delhi Liquor Policy Case
دہلی کے نائب وزیر اعلی منیش سسودیا نے لکھا ہے کہ جھوٹی ایف آئی آر کے ذریعے میرے گھر پر چھاپہ مارا، بینک لاکرز کی تلاشی لی، میرے گاؤں میں چھان بین کی، لیکن میرے خلاف کچھ نہیں ملا۔ آج میرے پی اے کے گھر پر ای ڈی نے چھاپہ مارا، وہاں بھی کچھ نہیں ملا تو اب اسے گرفتار کرکے لے جایا گیا ہے۔
یہ بھی پڑھیں: Delhi Liquor Policy Scam دہلی شراب پالیسی معاملے میں پہلی گرفتاری، سی بی آئی نے ملزم وجے نائر کو گرفتار کر لیا۔
بتا دیں کہ دہلی کی شراب پالیسی معاملہ میں اس سے پہلے سی بی آئی نے وجے نایر نامی شخص کو گرفتار کیا تھا ۔وہ ایک انٹرٹینمنٹ اور ایونٹ میڈیا کمپنی کے سابق سی ای او ہیں۔ وجے نایر کی گرفتاری پر بی جے پی نے دہلی کی عام آدمی پارٹی کو اس معاملہ میں گھیرا تھا۔ بی جے پی کی جانب سے لکھا گیا تھا کہ ابھی ابھی میڈیا سے یہ پتہ چلا ہے کہ وجے نایرکو گرفتار کر لیاگیا ہے۔ منیش سسودیا ابھی شروعات ہوئی ہے۔ بہت جلد آپ کی اور اروند کیجریوال کی تمنا پوری ہوگی۔ arrested by CBI over corruption charges
