Theft Case In Jaipur عمر رسیدہ خاتون کا پیر کاٹنے والا ملزم گرفتار

ایڈیشنل پولیس کمشنر نے بتایا کہ 9 اکتوبر کو جے پور کے گلتہ گیٹ تھانا علاقہ میں جمانہ دیوی نام کی ایک معمر خاتون کے پیر کاٹ کر کنگن چوری کر لئے گئے تھے۔ اس الزام میں ایک شخص کو گرفتار کر لیا گیا ہے۔ Theft Case In Jaipur

جے پور: ریاست راجستھان کے دارالحکومت جے پور کے گلتہ گیٹ تھانا علاقہ میں 108 برس کی عمر رسیدہ خاتون جمانہ دیوی کے پیر کاٹ کر کنگن چوری کرنے والا ملزم گرفتار ہوگیا ہے۔ ملزم کا نام اوم پرکاش ہے۔ پولیس نے اس کے قبضے سے لوٹ کے کنگن بھی برآمد کر لئے ہیں۔Accused of biting foot of elderly woman arrested

جے پور پولیس کے ایڈیشنل پولیس کمشنر اجے پال لامبہ کی جانب سے پریس کانفرنس کے ذریعے مذکورہ معاملہ کا انکشاف کیا گیا ہے۔ ایڈیشنل پولیس کمشنر نے بتایا کہ 9 اکتوبر کو گلتہ گیٹ تھانا علاقہ میں جمانہ دیوی نام کی ایک معمر خاتون کے پیر کاٹ کر کنگن چوری کر لئے گئے تھے۔ اس پورے معاملے کو لے کر ڈیپوٹی پولیس کمشنر پریش دیشمکھ کی قیادت میں ایک خاص ٹیم بنائی گئی تھی، اس ٹیم میں آس پاس کے علاقے کے تھانوں کے انچارج کو بھی شامل کیا گیا تھا۔

انہوں نے ملزم کے بارے میں مزید معلومات دیتے ہوئے کہا کی ملزم پہلے سے ہی عمر رسیدہ خاتون کے گھر میں کرائے دار کے طور پر رہ رہا تھا۔ اس لیے وہ خاتون کو اچھی طرح سے پہچانتا تھا۔ انہوں نے کہا کہ جس طرح سے یہ معاملہ پیش نظر آیا، اس پورے معاملے کا انکشاف کرنے میں گلتہ پولیس تھانے کے کانسٹیبل پردھان نے اہم کردار ادا کیا۔ اس بڑی کامیابی کے بعد پردھان کو کانسٹیبل سے ہیڈ کانسٹیبل بنانے کا فیصلہ کیا گیا ہے۔