ریاست مہاراشٹر کے مسلم اکثریتی شہر مالیگاؤں میں مسائل کی کمی نہیں ہے۔ یہاں تعلیم سے لے کر روزگار تک بنیادی سہولیات سے لے کر تفریحی انتظامات تک ہر شعبہ میں مسائل ہی مسائل ہیں۔ جونا آگرہ روڈ شہر مالیگاؤں کا ایک بہت ہی اہم حصہ ہے۔ جو شہر کو دو حصوں میں تقسیم کرتا ہے۔
مالیگاؤں:آگرہ روڈ کی بدحالی آبادی کیلئے وبال جان جب کہ اس روڈ سے ہر فرد، نوجوان، طلبا و طالبات اور ہزاروں شہریوں کا گزر ہوتا ہے۔
آگرہ روڈ شہر کی اہم شاہرہ ہونے کی وجہ سے اس کا استعمال زیادہ ہے اور اس کی خستہ حالی توجہ کا مرکز بن چکی ہے لیکن کارپوریشن اسے مسلسل نظر انداز کررہی ہے۔
مالیگاؤں:آگرہ روڈ کی بدحالی آبادی کیلئے وبال جان اس تعلق سے عوامی پارٹی کے صدر رضوان بیٹری والا نے آج آگرہ روڈ پر زبردست مظاہرہ کیا اور کارپوریشن کے خلاف جم کر نعرے بازی کی۔ مالیگاؤں:آگرہ روڈ کی بدحالی آبادی کیلئے وبال جان انہوں نے کہا کہ 450 کروڑ کا سالانہ بجٹ رکھنے والی میونسپل کارپوریشن شہریان کے ساتھ سوتیلا سلوک کررہی ہے۔
رضوان بیٹری والا نے کارپوریشن اور برسراقتدار پارٹی پر الزام عائد کیا کہ یہ مسلمانوں کے ساتھ فرقہ پرستی کررہے ہیں۔
تاہم اس موقع پر رضوان بیٹری والا نے آگرہ روڈ کی تعمیر کے لئے عوام سے چندہ جمع کرنے کی گزارش کی۔
انہوں نے مطالبہ کیا کہ اگر اس روڈ کا تعمیری کام شروع نہیں کیا گیا تو عوام کو لے کر ایک تحریک چلائی جائے گی۔
