'مسلم طلبہ کی اعلیٰ تعلیم کے لیے مہاراشٹر حکومت کے پاس کوئی اسکیم نہیں': ایم پی امتیاز جلیل

بارٹی اور سارتھی جیسی اسکیموں کے تحت دلتوں، پسماندہ طبقات اور مراٹھا سماج کو فائدہ مل رہا ہے، لیکن مسلم طلبا و طالبات اپنے حق کے لیے سرگرم اور حکومت سے اسکیم کے لئے پرزور مطالبہ کر رہے ہیں۔

مہاراشٹر میں دلتوں اور مراٹھا طبقات کی ہمہ جہت ترقی کو یقینی بنایا جارہا ہے، لیکن اقلیتوں خاص طور پر مسلمانوں کی اعلیٰ تعلیم کے لیے ریاستی حکومت کے پاس کوئی اسکیم نہیں ہے، مہاراشٹر مسلم اسٹوڈنس فیلو شپ سمیتی کے ارکان نے اس معاملے میں ایم پی امتیاز جلیل سے ملاقات کی اور حکومت سے نمائندگی کا مطالبہ کیا۔

مسلم طلبہ کے اعلی تعلیم کے لیے مہاراشٹر حکومت کے پاس کوئی اسکیم نہیں

طلبہ کا کہنا ہے کہ وزارت سماجی انصاف کے تحت ریاست میں بارٹی، سارتھی اور مہا جیوتی جیسے ادارے قائم کیے گئے جو دلت، پسماندہ، مراٹھا اور کنبی سماج کی ہمہ جہت ترقی کو یقینی بنانے میں کلیدی کردار ادا کررہے ہیں۔