Madurai Bench On Sri Lankan Refugees سی اے اے ایکٹ کے تحت سری لنکائی ہندو تمل مہاجرین کی بھارتی شہریت کا دعویٰ برقرار

مدراس ہائی کورٹ کی مدورائی بنچ نے کہا کہ ایکٹ میں سری لنکا شامل نہیں ہے، لیکن اس میں سری لنکا کو شہریت دینے کا یکساں طور پر قابل عمل عنصر ہے۔ لہذا شہریت دینے کے لیے عرضی گزار کی طرف سے دائر درخواست کو تمل ناڈو کے فارنرز ڈپارٹمنٹ اور مرکزی ہوم ڈپارٹمنٹ کے سیکریٹریوں کو بھیجا جانا چاہیے۔Madurai Bench On Sri Lankan Refugees

مدورائی (تامل ناڈو): مدراس ہائی کورٹ کی مدورائی بنچ نے شہریت ترمیمی قانون (سی اے اے) کی دفعات کی بنیاد پر سری لنکا سے تعلق رکھنے والے ہندو تامل مہاجرین کی 29 سالہ بیٹی کی بھارتی شہریت کے دعوے کو برقرار رکھا ہے۔ ججوں نے رائے دی کہ شری لنکن پناہ گزین ابیرامی کی بیٹی کو شہریت دی جا سکتی ہے کیونکہ سی اے اے پاکستان، افغانستان اور بنگلہ دیش کی مظلوم اقلیتوں کو شہریت دینے کا موقع فراہم کرتا ہے۔Madurai bench bats for citizenship to Sri Lankan refugees under CAA provisions

بنچ نے متعلقہ ضلع اور ریاستی حکام کو بھی ہدایت دی کہ ابیرامی کی درخواست مرکز کو بھیجیں جو 16 ہفتوں کے اندر حتمی فیصلہ کرے۔ جسٹس جی آر سوامی ناتھن، جنہوں نے تروچیراپلی سے تعلق رکھنے والے ابیرامی کی طرف سے دائر درخواست کی سماعت کی، نے مشاہدہ کیا کہ درخواست گزار کے والدین سری لنکا کے شہری ہیں جو سری لنکا میں جنگ کی وجہ سے بھارت آئے تھے۔

عدالت نے کہا کہ درخواست گزار کی پیدائش 1993 میں ان کے والدین کے بھارت آنے کے بعد ہوئی تھی اور درخواست گزار کو آدھار کارڈ جاری کر دیا گیا ہے۔ اس وجہ سے انہوں نے شہریت کے لیے درخواست دی ہے۔ بنچ نے مزید کہا کہ درخواست گزار کی پیدائش بھارت میں ہوئی ہے اور وہ سری لنکا کی شہری نہیں ہے۔ جج نے کہا کہ مرکزی حکومت نے پاکستان، افغانستان اور بنگلہ دیش کی اقلیتوں کو شہریت دینے کے لیے شہریت ایکٹ میں ترمیم کو نافذ کیا ہے۔ بنچ نے کہا کہ ایکٹ میں سری لنکا شامل نہیں ہے، لیکن اس میں سری لنکا کو شہریت دینے کا یکساں طور پر قابل عمل عنصر ہے۔ لہذا شہریت دینے کے لیے عرضی گزار کی طرف سے دائر درخواست کو تمل ناڈو کے فارنرز ڈپارٹمنٹ اور مرکزی ہوم ڈپارٹمنٹ کے سیکریٹریوں کو بھیجا جانا چاہیے۔