تلنگانہ میں دس دنوں کا مکمل لاک ڈاؤن

تلنگانہ کے وزیر اعلیٰ کے چندر شیکھر راؤ نے کابینہ میٹنگ کے بعد ریاست میں دس دنوں کے لیے مکمل لاک ڈاؤن نافذ کرنے کا اعلان کیا۔ اشیائے ضروریہ کی دوکانیں صبح 6 بجے تا 10 بجے کھلی رہیں گی۔

ریاست تلنگانہ میں کورونا وائرس کے بڑھتے ہوئے کیسس کے پیش نظر حکومت نے ریاست بھر میں دس دنوں کے لیے مکمل لاک ڈاؤن نافذ کرنے کا اعلان کیا۔ یہ فیصلہ ایک کابینہ میٹنگ کے بعد لیا گیا جس کی قیادت وزیر اعلی کے چندر شیکھر راؤ نے کی۔

تلنگانہ میں دس دنوں کے لیے لاک ڈان کے اعلان

لاک ڈاؤن بدھ کے روز صبح دس بجے سے نافذ ہوگا۔ واضح رہے کہ ریاست بھر میں رات کا کرفیو جاری ہے جو رات 9 بجے تا صبح 5 بجے تک نافذ رہتا ہے۔ ضروری خدمات کو صبح 6 بجے تا 10 بجے تک جاری رکھنے کی اجازت دی گئی ہے۔

تلنگانہ میں رات کا کرفیو 15 مئی تک نافذ رہے گا۔ مرکزی حکومت کے مطابق ریاست بھر میں 65 ہزار سے زائد کورونا وائرس کے مریض موجود ہیں۔