اسمارٹ سٹی کے تحت آنے والے اس علاقے کا جب ای ٹی وی بھارت کی ٹیم نے دورہ کیا تو یہاں ان تمام تر ترقیاتی دعوؤں کی زمین حقیقت برعکس نظر آئی۔
نیا گاؤں علاقے کی سڑکیں ایسی ہیں جہاں راہگیروں کو چلنا مشکل ہے۔ آئے دن بچے، بزرگ ان راستوں پر چلتے ہوئے گرتے رہتے ہیں۔ جس سے مقامی لوگوں کو مشکلات کا سامنا کرنا پڑ رہا ہے۔
علاقے میں گندگی کا انبار ہے۔ جس سے تمام طرح کی بیماریاں بھی مقامی لوگوں کو ہو رہی ہیں۔
مقامی لوگوں نے ضلع انتظامیہ کے افسران سے اس سلسلے میں کئی بار شکایت بھی کی لیکن ابھی تک ان کی مشکلات کو نظرانداز کیا گیا ہے، جس کے سبب مقامی لوگ مایوس ہیں۔
مقامی لوگوں نے ای ٹی وی بھارت سے بتایا کہ کئی سالوں سے یہ علاقہ بد حال ہے۔ کئی افساران سے شکایت کرنے کے بعد بھی کسی نے کوئی سنوائی نہیں کی۔ وارڈ ممبر سے بات چیت کرنے کے بعد بھی مقامی لوگوں کا کوئی حل نہیں نکلا۔
راہگیروں کو سخت مشکلات کا سامنا مقامی لوگوں نے بتایا کہ برسات کے موسم میں مقامی لوگوں کا ان راستوں سے نکلنا مشکل ہو جاتا ہے۔ نماز کو جاتے وقت کپڑے گندے ہو جاتے ہیں، جس سے انہیں پریشانی ہوتی ہے۔
مقامی خاتون رحیمہ نے بتایا کہ گھر پر رشتے دار آنے سے صاف منع کر دیتے ہیں۔ اس گندگی اور بد حال علاقے کی وجہ سے لوگ رشتہ بھی کرنا پسند نہیں کرتے۔
مزید پڑھیں:
ایسے میں ان مقامی لوگوں کو انتظار ہے کہ ان کی پریشانی کا ازالہ کب ہوتا ہے، اور انہیں اس پریشانی سے نجات کب ملتی ہے؟
