Demolition Drive in Srinagar سرینگر میں انہدامی کارروائی، کئی غیر قانونی تعمیراتی ڈھانچے منہدم

سرینگر میں لیکس کنزرویشن اینڈ مینجمنٹ اتھارٹی کی جانب سے خصوصی انہدامی مہم چلائی گئی۔ اس دوران غیر قانونی طور پر بنائے گئے متعدد ڈھانچوں کو منہدم کر دیا گیا۔ Special Demolition Drive in Srinagar

سرینگر:جموں و کشمیر کے سرینگر میں لیکس کنزرویشن اینڈ مینجمنٹ اتھارٹی کی جانب سے جمعرات کو خصوصی انہدامی مہم چلائی گئی۔ اس دوران غیر قانونی طور پر بنائے گئے متعدد تجاوزات کو مسمار کر دیا گیا۔ Special Demolition Drive in Srinagar

لیکس کنزرویشن اینڈ مینجمنٹ اتھارٹی کی انفورسمنٹ ونگ نے خلاف ورزی افسر کی نگرانی میں صدربل، ناؤ پورہ، زونی، لال بازار، نگین، بٹ شاہ محلہ اور ڈلگیٹ میں کئی کنکریٹ تعمیراتی ڈھانچے منہدم کیے۔ مذکورہ علاقوں میں ایک منزلہ اور دو منزلہ عمارتوں کے علاوہ دیگر غیر مجاز تعبیرات پر بھی انہدامی کارروائی عمل میں لائی گئی۔

انفورسمنٹ ونگ کے اہلکاروں کو انہدامی کارروائی انجام دینے کے دوران کئی علاقوں میں لوگوں کی جانب سے مزاحمت کا بھی سامنا کرنا پڑا۔ لیکس کنزرویشن اینڈ منیجمنٹ اتھارٹی کے عہدیدارن نے لوگوں سے اپیل کہ کہ وہ لاوڈا اور گرین بیلٹ کے حدود میں آنے والے علاقوں میں کسی بھی طرح کی تعمیراتی سرگرمی انجام نہ دیں۔ انہوں نے کہا کہ بغیر اجازت کے کسی بھی قسم کا تعمیراتی ڈھانچہ کھڑا کرنے کی اجازت نہیں دی جاسکتی ہے۔ Demolition Drive in Srinagar