نئی دہلی: صدر جمہوریہ رام ناتھ کووند، وزیر اعظم نریندر مودی، لوک سبھا اسپیکر اوم برلا، بی جے پی کے صدر جگت پرکاش نڈا، وزیر دفاع راج ناتھ سنگھ اور وزیر داخلہ امت شاہ سمیت کئی وزراء اور لیڈران نے ہفتے کے روز سابق وزیر اعظم اٹل بہاری واجپئی کی سالگرہ پر ان کی سمادھی ’سدایو اٹل‘ پر گلہائے عقیدت نذر کرتے ہوئے انہیں خراج عقیدت پیش کیا Leaders Pay Homage to Vajpayee۔
مودی نے آنجہانی واجپئی کو خراج عقیدت پیش کرتے ہوئے ٹویٹ کیا ’’محترم اٹل جی کو ان کی سالگرہ پرسلام۔ ان کی ملک کے لئے خدمات ہم سب کے لیے مشعل راہ ہے۔ انہوں نے ہندوستان کو مضبوط اور ترقی یافتہ بنانے کے لیے اپنی زندگی وقف کردی۔ ان کی جانب سے کئے گئے ترقیاتی کاموں نے لاکھوں ہندوستانیوں کی زندگیوں کو متاثر کیا ‘‘Prime Minister Narendra Modi Twitte on Atal Bihari Vajpayee۔
اوم پرکاش برلا نے ٹویٹ پر لکھا ''مسٹر واجپئی پورے ہندوستان کو اپنے ساتھ لے کر چلتے تھے۔ ان کی فکر اور زندگی کی جدوجہد کی کہانی آنے والی نسلوں کے لیے تحریک کا سرچشمہ ہے‘‘۔ Om Prakash Birla Twitte on Vajpyee۔
جے پی نڈا نے کہا ’’ مادر وطن کی خدمت میں اپنی زندگی وقف کرنے والے ہم سب کے رہنما آنجہانی واجپئی کی سالگرہ پر، ان کی سمادھی’ سدیو اٹل ‘جاکر انہیں خراج عقیدت پیش کیا۔ ملک کی تعمیر میں ان کی خدمات کو ہمیشہ یاد رکھا جائے گا‘‘۔JP Nadda Pay Homage to Vajpayee.