اجمیر: مفتی سید فردان چشتی کا خادموں کی جماعت نے استقبال کیا

خادموں کی انجمن کے سابق صدر سید غلام کبریا چشتی کی زیر صدارت می منعقد تقریب میں دینی اور دنیاوی علم کے تعلق سے امت رسول کی خدمات کس طرح انجام دی جانی چاہیے، اس پر زور دیا گیا۔

خواجہ معین الدین چشتی رحمۃ اللہ علیہ کی درگاہ کے خادموں کی نوجوان نسل میں عالم دین کی تعداد بڑھنے لگی ہے، مصر کے جامعہ ازہر یونیورسٹی کے امتحانات میں عالمی سطح پر 11ویں درجے پر فائز ہوئے اجمیر درگاہ کے خادم مفتی سید فردان چشتی کا خادموں کی جماعت انجمن سید زادگان کی جانب سے استقبال کیا گیا۔

گل پوشی اور دعاؤں کے ذریعہ ان استقبال کیا گیا۔ درگاہ کے بزرگ خادم، علماء کرام اور دانشوروں کی موجودگی میں درگاہ کے اطراف میں "علم کی اہمیت" کے موضوع پر پروگرام منعقد کیا گیا۔

خادموں کی انجمن کے سابق صدر سید غلام کبریا چشتی کی زیر صدارت میں یہ پروگرام منعقد کیا گیا، جس میں دینی اور دنیاوی علم کے تعلق سے امت رسول کی خدمات کس طرح انجام دی جانی چاہیے اس پر زور دیا گیا۔

جامعہ ازہر سے مفتی کا کورس مکمل کرکے فارغ ہونے والے اجمیر درگاہ میں نوجوان نسل کے درجن بھر سے زیادہ مفتی شامل ہیں۔

درگاہ میں ہوئے استقبالیہ پروگرام سے عالم، فاضل اور علماے کرام کی حوصلہ افزائی کی گئی ہے۔

پروگرام میں انجمن سید زادگان کے صدر سید معین حسین چشتی اور سیکرٹری حاجی سید واجد حسین انگارہ، سید عمران چشتی، سید افشان چشتی اور دیگر لوگ موجود رہے۔