Kashmiri Pandit Shot Dead مقتول کشمیری پنڈت کی لاش جموں پہنچ گئی

مقتول کشمیری پنڈت کی بہن اور خاندان کے دیگر افراد کا رو رو کر برا حال ہے۔ مقتول کی لاش دیر رات جموں پہنچ گئی ہے۔ بتا دیں کہ ہلاک شدہ کشمیری پنڈت کی شناخت 43 سالہ پورن کرش بٹ ولد تارک ناتھ بٹ ساکنہ چھودری گنڈ شوپیاں کے بطور ہوئی ہے۔ Kashmiri Pandit Shot Dead

جموں: جنوبی کشمیر کے شوپیان ضلع میں سنیچر کی دوپہر ایک کشمیری پنڈت کو مشتبہ عسکریت پسندوں نے اس کے گھر کے پاس گولیاں چلا کر اسے ہلاک کر دیا۔ مقتول کشمیری پنڈت کی بہن اور خاندان کے دیگر افراد کا رو رو کر برا حال ہے۔

مقامی لوگوں کا کہنا ہے کہ کشمیری پنڈتوں کی ٹارگیٹ کیلنگ رکنے کا نام نہیں لے رہا ہے۔ اس سے پہلے بھی راہل بٹ کی ٹارگیٹ کیلینگ ہوئی تھی۔ کشمیری پنڈت امن پسند ہیں۔ بتا دیں کہ ہلاک شدہ کشمیری پنڈت کی شناخت 43 سالہ پورن کرش بٹ ولد تارک ناتھ بٹ ساکنہ چھودری گنڈ شوپیاں کے بطور ہوئی ہے۔ آج دوپہر کے وقت وہ اپنے گھر سے باہر آرہے تھے۔ اسی دوران مشتبہ عسکریت پسندوں نے اس پر اندھا دھند فائرنگ کردی جسکی وجہ سے کشمیری پنڈت کی ہلاکت ہوئی۔

واضح رہے کہ کشمیری پنڈت کے قتل کے بعد بڈگام کے شیخ پورہ میں احتجاج جاری ہے۔ مظاہرین سڑک چھوڑنے کو تیار نہیں ہیں۔ شیخ پورہ پنڈت کالونی میں رہنے والے کشمیری پنڈت قتل کی خبر کے بعد سے ہی سڑکوں پر خاموش احتجاج کر رہے ہیں۔ انہوں نے ہمہامہ بڈگام روڈ بلاک کر دیا ہے۔