Karan Singh on Azad's Padma Award: ڈاکٹر کرن سنگھ، پدم بھوشن پر غلام نبی آزاد کی حمایت میں

ڈاکٹر کرن سنگھ نے جمعرات کو ایک بیان جاری کیا جس میں انہوں نے غلام نبی آزاد کو پدم بھوشن ایوارڈ کے لیے بہترین امیدوار قرار دیا Karan Singh on Ghulam Nabi Azad's Padma Award اور اس پر پیدا ہوئے تنازع پر منفی ردعمل کا اظہار کیا ہے۔ ساتھ ہی غلام نبی آزاد کو اپنا دوست پکارتے ہوئے کرن سنگھ نے کہا کہ 'قومی ایوارڈز کو پارٹیوں کے درمیان تنازعات کا Padma Award Controversy in Congress موضوع نہیں بنایا جانا چاہیے'۔

جموں و کشمیر کے سابق صدر ریاست اور کانگریس کے سینئر رہنما ڈاکٹر کرن سنگھ Senior Congress Leader Dr. Karan Singh پدم بھوشن ایوارڈ معاملے Padma Award Controversy میں غلام نبی آزاد کی حمایت میں کھڑے ہوگئے ہیں۔ آزاد کو کئی کانگریس رہنماؤں نے مودی حکومت سے ایوارڈ لینے پر آڑے ہاتھوں لیا ہے۔

ڈاکٹر کرن سنگھ نے جمعرات کو ایک بیان جاری کیا جس میں انہوں نے غلام نبی آزاد کو پدم بھوشن ایوارڈ کے لیے بہترین امیدوار قرار دیا اور اس پر پیدا ہوئے تنازع پر منفی ردعمل ظاہر کیا ہے۔ آزاد کو اپنا دوست پکارتے ہوئے کرن سنگھ نے کہا کہ قومی ایوارڈز کو پارٹیوں کے درمیان تنازعات کا موضوع نہیں بنایا جانا چاہیے۔

Karan Singh on Azad's Padma Award

کئی کانگریس رہنماؤں نے بالواسطہ یا بلاواسطہ طور پر آزاد کو اس ایوارڈ کی نامزدگی پر ہدف تنقید بنایا تھا، کیونکہ مغربی بنگال کے سابق وزیر اعلیٰ بدھا دیو بھٹا چاریہ نے یہ ایوارڈ لینے سے انکار کیا۔

سینئر کانگریس رہنما جے رام رمیش نے ایک ٹویٹ میں بھٹاچاریہ کی تعریف کرتے ہوئے کہا کہ 'وہ آزاد ہیں، غلام نہیں ہیں'۔ ان الفاظ سے یہ اخذ کیا گیا کہ انہوں نے بھٹاچاریہ کی تعریف کرتے ہوئے اصل میں غلام نبی آزاد کو نشانہ بنایا ہے۔

آزاد کو کانگریس کے جی۔23 گروپ کا رکن تصور کیا جاتا ہے۔ یہ وہ گروپ ہے جس کے ارکان کو کانگریس کی موجودہ قیادت کے ساتھ اختلافات ہیں۔ ایوارڈ کے اعلان سے ایک دن قبل کانگریس نے آزاد کو اتر پردیش میں انتخابی مہم کیلئے اپنا اسٹار کمپینر نامزد کیا تھا۔

ڈاکٹر سنگھ نے اپنے بیان میں کہا کہ 'وہ نصف صدی سے آزاد کو جانتے ہیں، جب انہوں نے ان کی دوسری الیکشن مہم سنہ 1971 کے پارلیمانی الیکشن میں ادھم پور حلقے میں ان کی انتخابی مہم میں حصہ لیا تھا، اس دور سے میں نے انہیں بھرپور محنت کے نتیجے میں عروج حاصل کرتے ہوئے دیکھا ہے۔ وہ دو بار پی وی نرسمہاراؤ اور ڈاکتر منموہن سنگھ کی کابینہ میں وزیر بنے۔ انہوں نے قائد حزب اختلاف کی حیثیت سے سات برس تک ہمارے پارلیمانی نظام کے لیے مثبت کام کیا'۔

ڈاکٹر سنگھ کے مطابق وہ اس سے قبل جموں خطے سے وابستہ جموں و کشمیر کے پہلے وزیر اعلیٰ بنے اور ان کے مختصر دور اقتدار کو سابق ریاست کے دونوں خطوں میں مثبت انداز سے یاد کیا جارہا ہے'۔

ڈاکٹر سنگھ نے کانگریس رہنماؤں کا نام لیے بغیر کہا کہ 'اگر ہمارے کسی ساتھی کی عزت افزائی کی جاتی ہے تو اس کا والہانہ خیر مقدم کیا جانا چاہیے نہ کہ اس پر غیر صحتمند تبصرے کیے جائیں'۔

واضح رہے ڈاکٹر کرن سنگھ جموں و کشمیر کے آخری مطلق العنان حکمراں مہاراجہ ہری سنگھ کے فرزند ہیں۔ وہ ریاست کے واحد صدر ریاست تھے۔ خاندانی حکمرانی کے خاتمے کے بعد کرن سنگھ کانگریس کے ساتھ وابستہ ہوئے اور کئی بار پارلیمنٹ کے لیے منتخب ہوئے۔ وہ مرکزی وزیر بھی رہ چکے ہیں۔