Fire Broke Out In A Hut چھونپڑی میں اچانک آگ لگنے سے پانچ افراد کی موت

اترپردیش کے ضلع کانپور میں ایک دردناک حادثہ پیش آیا ہے، جہاں ایک چھونپڑی میں اچانک آگ لگنے سے ایک ہی خاندان کے پانچ افراد کی موت ہو گئی۔ Five people died due to a sudden fire in hut

کانپور: ریاست اترپردیش کے ضلع کانپور میں ایک جھونپڑی میں اچانک آگ لگنے سے ایک ہی خاندان کے پانچ افراد کی موت ہو گئی۔ یہ واقعہ ہفتہ کی دیر رات اس وقت پیش آیا جب پورا خاندان جھونپڑی میں سو رہا تھا۔ شدید آگ میں میاں بیوی سمیت تین معصوم بچے بھی جھلس گئے ہیں۔ اس کے ساتھ ہی ایک نوزائیدہ اور ایک بزرگ بھی اس آگ کی زد میں آگئے۔ دونوں کو تشویشناک حالت میں ضلع اسپتال میں داخل کرایا گیا ہے۔ جھونپڑی میں آگ لگنے کی وجہ شارٹ سرکٹ بتائی جاتی ہے۔

پولیس سپرنٹنڈنٹ بی بی جی ٹی ایس مورتی نے بتایا کہ رورہ تھانہ علاقہ کے ہرماؤ بنجارہ ڈیرہ میں ہفتہ کی دیر رات ایک جھونپڑی میں آگ لگ گئی۔ اس حادثے میں جوڑے ستیش (30) اور کاجل (26) کے ساتھ تین بچے سنی (6)، سندیپ (5)، گڑیا (3) جھلس گئے۔ جھونپڑی میں جب آگ لگی تو گھر کے تمام افراد سو رہے تھے اور اس لیے وہ باہر نہیں نکل سکے۔ چیخ و پکار سن کر بستی کے لوگ موقع پر پہنچ گئے اور بالٹی سے پانی ڈال کر آگ پر قابو پانے کی کوشش کی۔ لیکن تب تک خاندان کے پانچوں افراد جل کر ہلاک ہو چکے تھے۔ آگ بجھانے کے عمل میں متوفی ستیش کی ماں بری طرح جھلس گئی۔

اطلاع پر فائر بریگیڈ کی ٹیم پہنچ گئی اور کافی کوششوں کے بعد آگ پر قابو پالیا گیا۔ لیکن تب تک خاندان کے پانچوں افراد اور پورا گھر جل چکا تھا۔ رورہ تھانہ انچارج سی او اور ایس پی دیر رات موقع پر پہنچے اور تحقیقات کے بعد لاشوں کو پوسٹ مارٹم کے لیے بھیج دیا۔ واقعہ کی اطلاع ملتے ہی ضلع مجسٹریٹ اور ایس پی سمیت پولیس اور انتظامی عملہ کی بڑی تعداد موقع پر پہنچی اور جائے حادثہ کا جائزہ لیا۔