ملک کی مشہور صحافی رانا ایوب کو ممبئی کے ہوائی اڈے پر لندن کے لئے پرواز کرنے سے قبل روک دیا گیا، کیونکہ ان پر مبینہ طور پر منی لانڈرنگ کا الزام ہے، جس کی تحقیقات انفورسمنٹ ڈائریکٹوریٹ کر رہی ہے۔ ای ڈی کے مطابق رانا ایوب کی جانب سے کورونا ریلیف کے لیے عطیات جمع کرتے ہوئے غیرملکی فنڈنگ کے قوانین کی مبینہ خلاف ورزی کے سلسلہ میں تحقیقات کی جارہی ہے۔ Journalist Rana Ayyub Prevented From Flying to London
حکام نے بتایا کہ صحافی لندن جانے والی فلائٹ میں سوار ہونے کے لیے ممبئی انٹرنیشنل ایئرپورٹ پہنچی تھیں، لیکن امیگریشن حکام نے انہیں روک دیا، اس کے فوراً بعد ای ڈی کی ٹیم نے ایئرپورٹ پر ہی رانا ایوب سے پوچھ گچھ کی اور انہیں تحقیقات میں شامل ہونے کو کہا۔ حکام نے کہا کہ ایوب نے نوٹس کی تعمیل نہیں کی اور ایجنسی نہیں چاہتی کہ وہ ملک سے باہر جائیں کیونکہ اس سے تفتیش میں تاخیر ہو سکتی ہے اور بعد ازاں عدالت میں چارج شیٹ داخل ہو سکتی ہے۔
مزید پڑھیں:۔ED Attaches Rana Ayyub's Funds: منی لانڈرنگ کیس میں رانا ایوب کا 1.77 کروڑ روپے کا فنڈ منسلک
رانا ایوب نے اس واقعہ کے بارے میں ٹویٹ کیا۔ انہوں نے ٹویٹ کرتے ہوئے کہا کہ "مجھے آج بھارتی امیگریشن پر روک دیا گیا، جب میں صحافیوں کو ڈرانے دھمکانے کے موضوع پر آئی سی ایف جے میں خطاب کرنے کے لیے لندن جانے والی پرواز میں سوار ہونے والی تھی۔ اس کے بعد بھارتی جمہوریت پر جرنلزم فیسٹ سے خطاب کرنے کے لئے مجھے اٹلی جانا تھا۔ واشنگٹن میں قائم انٹرنیشنل سینٹر فار جرنلسٹس نے رانا ایوب کو خواتین صحافیوں کے خلاف آن لائن تشدد پر بحث کے لیے برطانیہ مدعو کیا تھا۔ محترمہ ایوب اکثر ٹویٹ کرتی ہیں کہ انہیں آن لائن ہراساں کیے جانے اور ٹرولز کی جانب سے جان سے مارنے کی دھمکیوں کا سامنا ہے۔
وہیں ممبئی پریس کلب نے رانا ایوب کو ممبئی ائیرپورٹ پر روکے جانے کی مزمت کی، ممبئی پریس کلب نے ٹویٹ کرتے ہوئے کہا کہ ہم انفورسمنٹ ڈائریکٹوریٹ کی طرف سے رانا ایوب کو لندن جانے سے روکے جانے کے اس ہیم ہینڈ طریقہ کی غیر واضح طور پر مذمت کرتے ہیں، وہ 'بھارت میں صحافیوں کو ڈرانے دھمکانے' کے موضوع پر بات کرنے کے لئے لندن جارہی تھیں، اس طرح کی کارروائی صحافیوں کو ہراساں کرنے کے مترادف ہے۔
