JK Board Exam: دسویں اور بارہویں جماعت کے سالانہ امتحانات میں رعایت ختم

جموں وکشمیر بورڈ آف اسکول ایجوکیشن نے دسویں اور بارہویں جماعت کے سالانہ بورڈ امتحانات میں طلباء کو دی گئی رعایت واپس لے لی ہے بورڈ نے یہ قدم اس لئے اٹھایا چونکہ کورونا وائرس کے سبب تمام طرح کی تعلیمی سرگرمیاں متاثر ہوگئیں تھیں جس کے سبب طلبا کو تعلیمی لحاظ سے کافی نقصان ہواتھا۔BOSE Cancelled Exams Concession 10th to 12th Class Ended

ملک میں کورونا کے معاملات میں کمی اور اسکولوں میں معمول کی تعلیمی سرگرمیاں شروع ہونے کے ساتھ ہی جموں وکشمیر بورڈ آف اسکول ایجوکیشن نے دسویں اور بارہویں جماعت کے سالانہ بورڈ امتحانات میں طلباء کو دی گئی نرمی واپس لے لی ہے۔ گزشتہ دو برس سے کورونا وائرس کے سبب پیدا شدہ صورتحال کے نتیجے میں تعلیمی ادارے طویل عرصے تک بند تھے۔ ایسے میں بورڈ آف اسکول ایجوکیشن نے کووِڈ-19 کے دوران امتحانات میں شرکت کے لیے طلباء کو سالانہ امتحانات میں رعایت دی تھی، جس کو امسال واپس لیا گیا ہے۔

جموں و کشمیر بورڈ آف اسکول ایجوکیشن کے ڈائریکٹر اکیڈمکس ڈاکٹر فاروق احمد پیر کے ذریعہ جاری کردہ ایک نوٹیفکیشن میں کہا گیا ہے کہ مختلف بورڈ امتحانات میں بیٹھنے کے لیے کووڈ-19 کی وجہ سے طلباء کو دی جانے والی رعایتیں واپس لے لی گئی ہیں۔ ایسے میں بورڈ نے طلباء کو مطلع کیا ہے کہ اب سے تمام امتحانات بغیر کسی نرمی کے لئے جائیں گے۔

بورڈ نے گزشتہ برس سالانہ امتحانات میں دسویں، گیارہویں اور بارہویں جماعت کے جموں و کشمیر کے سرمائی زون میں طلباء کو 30 نمبرات دینے کا فیصلہ کیا تھا جب کہ 221-2022 کے سالانہ امتحانات میں 70 فیصد نمبرات حاصل کرنے والے طلباء کے 100 فیصد نمبرات تصور کیے گئے تھے۔