نوئیڈا: جاوید خان نے بھی کانگریس سے دعویداری پیش کی

اترپردیس کانگریس کی انچارج پرینکا گاندھی واڈرا کے حکم پر 2022 کے اسمبلی انتخابات کے لئے درخواستیں طلب کی گئی ہیں۔ جاوید خان نے سٹی صدر شہاب الدین کو فارم اور درخواست فیس کی بینک تفصیلات سمیت تمام کاغذات حوالے کر دئیے ہیں۔

اترپردیش نوئیڈا اسمبلی 61 میں درخواست کے دوسرے دن نوئیڈا نارتھ بلاک کانگریس کے صدر اور نوئیڈا اسمبلی 61 کے سابق امیدوار جاوید خان نے بھی انتخابات کے لئے دعویداری پیش کر دی ہے۔

اترپردیس کانگریس کی انچارج پرینکا گاندھی واڈرا کے حکم پر 2022 کے اسمبلی انتخابات کے لئے درخواستیں طلب کی گئی ہیں۔ جاوید خان نے سٹی صدر شہاب الدین کو فارم اور درخواست فیس کی بینک تفصیلات سمیت تمام کاغذات حوالے کر دئے ہیں۔

پہلے دن یعنی گزشتہ کل آل انڈیا کانگریس کے رکن ایڈوکیٹ دینش اوانا اور اترپردیش کانگریس کمیٹی کے رکن پنڈت پرمود شرما نے درخواست دی۔ اب تک تین رہنما اپنی دعویداری پیش کر چکے ہیں۔

دو روز قبل ریاستی دفتر میں فیصلہ کیا گیا ہے کہ جو لوگ کانگریس سے اسمبلی انتخابات لڑنے کے لیے درخواست دیں گے وہ گیارہ ہزار روپے بطور فیس ادا کریں گے۔ جاوید خان نے تمام تفصیلات اور فیس جمع کر کے انتخابی میدان میں آنے کا فیصلہ کر لیا ہے۔

اس موقع پر سٹی صدر شہاب الدین کانگریس کمیٹی کے رکن پنڈت پرمود شرما، نوئیڈا کانگریس کے جنرل سیکرٹری رضوان چودھری، ذیشان چودھری، اشرف، ساحل ملک، آصف منصوری سیکٹر صدر، علی راجہ سیکٹر صدر وغیرہ موجود تھے۔