نرسنگھانند سرسوتی کو گرفتار کرنے کا جمعیت علمائے ہند نے کیا مطالبہ

جمعیت علمائے ہند نے حکومت سے مطالبہ کیا کہ پیغمبر اسلام حضرت محمد صلی اللہ علیہ وسلم کی شان میں گستاخی کرنے والے نرسنگھانند سرسوتی کو ایک ہفتہ کے اندر گرفتار کیا جائے نہیں تو شہر میں ایک بڑا احتجاج کیا جائے گا۔

ریاست اترپردیش کے ضلع مظفر نگر کے محلہ رحمت نگر میں واقع مدرسہ جامعہ خدیجۃ الکبریٰ للبنات میں جمعیت علمائے ہند کی جانب سے ایک اجلاس منعقد کیا گیا جس کی صدارت جمعیت علمائے ہند کے مغربی جرنل سیکریٹری قاری ذاکر حسین نے کی۔

اس میں حضور پاک سرکار دو عالم صلی اللہ علیہ وسلم کی شان میں گستاخی کرنے والے نرسنگھانند سرسوتی کے بیانات پر غم و غصے کا اظہار کیا گیا اور میٹنگ میں کہا گیا کی ہماری جانب سے ایک میمورنڈم ریاستیں وزیراعلی اور وزیر داخلہ کو بھیجا جائے گا۔

اس میں مطالبہ کیا گیا ہے کی حضور صلی اللہ علیہ وسلم کی شان میں گستاخی کرنے والے نرسنگھانند سرسوتی کو ایک ہفتے کے اندر اندر گرفتار کر اس پر راسوکا کی کاروائی کی جائے اگر حکومت ہمارے مطالبات کو تسلیم نہیں کرتی ہے تو جمعیت علمائے ہند کی جانب سے شہر میں ایک بڑا احتجاجی مظاہرہ کیا جائے گا۔

اس اجلاس میں جمعیت علمائے ہند کے کارکنان کے ساتھ ساتھ شہر کے معززین علمائے دین شریک رہے۔