دنیا بھر میں ہلاکت خیز کورونا پابندیاں ختم یا پھر کم کی جارہی ہیں اور اسی تناظر میں اب دو سال کے عرصہ کے بعد مملکت سعودی عرب نے خانہ کعبہ اور مسجد نبوی میں اعتکاف کرنے کی اجازت دے دی ہے۔ سعودی میڈیا رپورٹس کے مطابق رمضان المبارک کے لئے سعودی عرب میں مقدس مقامات کی خدمات پر مامور کمیٹی نے اہم فیصلے کیے ہیں، ان کے تحت ماہ مقدس میں عمرہ اور عبادات کے بغیر کسی پابندی کے مکمل اجازت دے دی گئی ہے اور تمام کورونا سفری پابندیاں بھی ختم کردی گئی ہیں۔ Itikaf Has Been Allowed In the Kaaba And Masjid-E-Nabawi
Itikaf in Kaaba And Masjid-E-Nabawi: خانۂ کعبہ اور مسجد نبویؐ میں اعتکاف کی اجازت - کورونا وائرس کے پیش نظر مسجد نبویؐ میں اعتکاف پر پابندی
کورونا وائرس کے پیش نظر خانہ کعبہ اور مسجد نبویؐ میں اعتکاف پر پابندی عائد کردی گئی تھی تاہم دو سال بعد اب یہ پابندی ختم کردی گئی ہے اورسعودی حکومت نے خانہ کعبہ اور مسجد نبویؐ میں اعتکاف کی اجازت دے دی ہے۔ Prohibition on Itikaf in Kaaba and Masjid-E-Nabawi Due to Corona
خانہ کعبہ اور مسجد نبویؐ میں اعتکاف کی اجازت
اس سے قبل سعودی حکومت نے مقدس مساجد میں سماجی فاصلے سمیت تمام کورونا پابندیاں ختم کرکے خانہ کعبہ اور مسجد نبوی میں پوری گنجائش کے ساتھ نماز پڑھنے کی اجازت دے دی تھی۔ خیال رہے دو سال سے فرزندگان توحید بیت حرم مکی و مدنی میں اعتکاف پر بیٹھنے کے لیے بے چین تھے، تاہم اب یہ انتظار ختم ہوا اور مملکت سعودی عرب نے رواں سال اعتکاف کی اجازت دینے کا فیصلہ کیا ہے۔
(یو این آئی)