ISRO scientist accused Dubai man اسرو کے سائنسدان نے دبئی کے ایک شخص پر خفیہ معلومات مانگنے کا الزام لگایا

اسرو کے وکرم سارابھائی اسپیس سینٹر راکٹ سائنسدان پروین موریا نے ایک سنسنی خیز انکشاف کرتے ہوئے الزام لگایا ہے کہ کیرالہ پولیس کی مدد سے دبئی کے ایک شخص نے ان سے اسرو سے متعلق خفیہ معلومات دینے کا مطالبہ کیا ہے۔ انہوں نے کہا کہ خلائی محکمہ انٹیلی جنس تحقیقات سے اس لئے انکار کر رہا ہے کیونکہ اسرو کے کچھ سینئر اہلکار جاسوسوں کو اپنے خفیہ منصوبے کو انجام دینے میں مدد کر رہے ہیں، جس سے اسرو میں موجود ان ملک دشمن اہلکاروں کے پورے ریکیٹ کا پردہ فاش ہو جائے گا۔ISRO scientist On Dubai man

ترواننت پورم: بھارتی خلائی تحقیقی تنظیم (اسرو) کے وکرم سارابھائی اسپیس سینٹر راکٹ سائنسدان پروین موریا نے ایک سنسنی خیز انکشاف کرتے ہوئے الزام لگایا ہے کہ کیرالہ پولیس کی مدد سے دبئی کے ایک شخص نے ان سے اسرو سے متعلق خفیہ معلومات دینے کا مطالبہ کیا ہے اور اس کے بدلے میں بھاری رقم کی پیشکش کی ہے۔ اسروکی جانب سے ہفتہ کے روز اس کی معلومات دی گئی۔Indian Space Research Organisation

سائنسدان پروین موریہ نے ٹویٹ کیا، 'جاسوسی کرنے کے لئے کیرالہ پولیس کی مدد سے جاسوسوں نے ان سے رابطہ کیا ہے، جس میں اس سے اسرو سے متعلق خفیہ معلومات مانگنے اور اس کے عوض بھاری رقم کی پیشکش کی ہے۔ جب ہم نے خفیہ معلومات دینے سے انکار کیا تو انہوں نے میرے خلاف جھوٹے پولیس کیس درج کرادیئے۔ اب انہوں نے کیس واپس لینے کے بدلے مجھے ان کے لیے کام کرنے کی پیشکش کی ہے۔

انہوں نے بتایا کہ جو شخص یہ خفیہ معلومات حاصل کرنا چاہتا تھا، ان کے انکار پر ان کے خلاف چرس (گانجہ) فروخت کرنے کا مقدمہ درج کرا دیا۔ جب کیرالہ پولیس نے معاملے کی چھان بین کی تو انہیں چرس بیچنے کا کوئی ثبوت نہیں ملا۔ موریہ نے کہا کہ اسرو کے چیئرمین نے وزیر اعظم کو کئی خط لکھے لیکن کوئی کارروائی نہیں ہوئی۔ انہیں ایک خفیہ انکوائری کی ضرورت ہے اور حکومت سے مدد کرنے کی درخواست کی ہے۔انہوں نے کہا کہ خلائی محکمہ انٹیلی جنس تحقیقات سے اس لئے انکار کر رہا ہے کیونکہ اسرو کے کچھ سینئر اہلکار جاسوسوں کو اپنے خفیہ منصوبے کو انجام دینے میں مدد کر رہے ہیں، جس سے اسرو میں موجود ان ملک دشمن اہلکاروں کے پورے ریکیٹ کا پردہ فاش ہو جائے گا۔

یواین آئی