Japanese Tracks بھارت کی مال گاڑیاں جاپانی پٹریوں پر دوڑ رہی ہیں

پبلک انٹرپرائزز کے چیف جنرل منیجر منیش اوستھی اور گروپ کے جنرل منیجر ونود بھاٹیہ نے کہا کہ ڈی ایف سی پر دو منزلہ یعنی ڈبل اسٹیک کنٹر والی 12 ہزار ٹن لوڈ والی گاڑیوں کی آمدورفت کے لئے 25 ٹن ایکسل لوڈ والی پٹریاں بچھائی گئی ہیں۔ یہ ٹریک جاپان سے درآمد شدہ گریڈ 1080 کی ہیں۔Japanese Tracks

پالن پور: جاپان کے تعاون سے بنائے جانے والے ویسٹرن ڈیڈیکیٹڈ فریٹ کوریڈور (ڈی ایف سی) میں ڈبل اسٹیک کنٹینرز کے بوجھ کو سنبھالنے کے لیے جاپان سے درآمد کی جانے والی اعلیٰ صلاحیت والی ریل پٹریاں نصب کی گئی ہیں۔ Japanese Tracks

یہ اطلاع ڈی ایف سی کارپوریشن آف انڈیا لمیٹڈ کے اعلیٰ افسران نے جمعہ کو وزیر اعظم نریندر مودی کے ذریعہ مغربی ڈی ایف سی کے پالن پور - مہسانہ چڑوتر کے 75 کلومیٹر کے ڈویژن کے افتتاح کے پہلے نامہ نگاروں کو دی۔

پبلک انٹرپرائزز کے چیف جنرل منیجر منیش اوستھی اور گروپ کے جنرل منیجر ونود بھاٹیہ نے کہا کہ ڈی ایف سی پر دو منزلہ یعنی ڈبل اسٹیک کنٹر والی 12 ہزار ٹن لوڈ والی گاڑیوں کی آمدورفت کے لئے 25 ٹن ایکسل لوڈ والی پٹریاں بچھائی گئی ہیں۔ یہ ٹریک جاپان سے درآمد شدہ گریڈ 1080 کی ہیں۔ انہوں نے کہا کہ ملک میں پہلی بار ویسٹرن ڈی ایف سی پر 1080 گریڈ والی پٹریاں بچھائی گئی ہیں۔ انڈین ریلویز اور ایسٹرن ڈی ایف سی کی تمام لائنوں پر گریڈ 880 کی پٹریاں لگائی گئی ہیں جو ملک میں بنائی گئی ہیں۔

بھاٹیہ نے بتایا کہ پالن پور-مہسانہ چڑوتر سیکشن کو ملا کر مغربی ڈی ایف سی کی 1506 کلومیٹر میں سے تقریباً 49 فیصد یعنی 734 کلومیٹر لائن آمدورفت کے لئے کھول دیا گیا ہے۔ وہیں مہسانہ سے سانند تک 77 کلومیٹر کا راستہ بھی تقریباً بن کرتیار ہے۔ کچھ فنیشننگ کا کام باقی ہے۔ انہوں نے کہا کہ ڈی ایف سی میں آٹومیٹک سگنل سسٹم لگایا گیا ہے۔ مال گاڑیوں کی تیز رفتاری برقرار رکھنے کے لیے دونوں سگنلز کے درمیان فاصلہ دو کلومیٹر رکھا گیا ہے۔

اوستھی نے کہا کہ مغربی ڈی ایف سی پر مال بردار ٹرینیں 75 سے 100 کلومیٹر فی گھنٹہ سے زیادہ کی رفتار سے چل رہی ہیں اور اوسط رفتار 65 کلومیٹر فی گھنٹہ سے زیادہ ہے جب کہ بھارتی ریلوے کی عام لائنوں پر مال گاڑیوں کی اوسط رفتار 25 کلومیٹر فی گھنٹہ سے کم ہے۔

یواین آئی