Corona Update: بھارت میں کورونا کے 28،204 نئے کیسز، 373 اموات درج

بھارت میں گزشتہ 24 گھنٹوں کے کورونا وائرس کے 28،204 نئے کیسز کی تصدیق ہوئی ہے اور 373 افراد کورونا کی وجہ سے ہلاک ہوئے۔وہیں کل صحتیابی41،511 ہے۔

مرکزی وزارت صحت کے مطابق ملک میں گزشتہ 24 گھنٹوں کے دوران کورونا وائرس کے 28،204 نئے کیس درج کیے گئے ہیں اور اس عرصے کے دوران انفیکشن کی وجہ سے 373 افراد ہلاک ہوئے۔ وہیں بھارت میں کورونا کے کل کیسز بڑھ کر 3،19،98،158 ہو گئے ہیں اور اموات کی کل تعداد 4،28،682 ہو گئی ہے۔

گزشتہ 24 گھنٹوں میں 41511 مریض صحت یاب ہوئے ہیں، جس کے بعد ملک میں صحتیاب ہونے والوں کی تعداد 3،11،80،968 ہوگئی ہے۔

انڈین کونسل آف میڈیکل ریسرچ (آئی سی ایم آر) کے مطابق پیر کے روز بھارت میں کورونا وائرس کے 15،11،313 نمونے ٹیسٹ کیے گئے اور 9 اگست 2021 تک کل 48،32،78،545 نمونے ٹیسٹ کیے گئے۔