بھارت اقلیتوں کے لئے سب سے محفوظ ملک: مختار عباس نقوی

یوم اقلیت کے موقع پر مرکزی وزیر برائے اقلیتی امور مختار عباس نقوی نے کہا کہ بھارت اقلیتوں کے لئے سب سے محفوظ ملک ہے اور یہاں اقلیتوں کے حقوق محفوظ ہیں۔

اقلیتوں کے حقوق کے تحفظ کے لئے ہر سال ملک میں 18 دسمبر کو یوم اقلیت منایا جاتا ہے۔ اس دن لوگوں کو اقلیتوں کے حقوق اور ان کے تحفظ کے تئیں بیدار کیا جاتا ہے۔

یوم اقلیت کے موقع پر اقلیتی امور کے مرکزی وزیر مختار عباس نقوی نے اترپردیش کے رامپور میں ایک تقریب میں شرکت کی۔ انہوں نے یوم اقلیتوں کے حوالے ای ٹی وی بھارت کے سوالوں کا جواب دیتے ہوئے کہا کہ ہم چاہتے ہیں کہ سماج کا ہر شخص پھلے پھولے، سماج کے کسی بھی طبقہ اور مذہب کا شخص ترقی کی منازل کو طے کرے۔ انہوں نے کہا کہ بھارت اقلیتوں کے حقوق کے تحفظ کے حوالے سے سب سے بہتر جگہ اور اقلیتی حقوق کا سب سے زیادہ احترام کرنے والا ملک ہے۔

واضح رہے کہ یوم اقلیتی حقوق کا اہتمام بھارت میں اقلیتی کمیشن کے ذریعہ کیا جاتا ہے جس میں مذہبی ہم آہنگی، باہمی احترام اور تمام اقلیتی طبقوں کی بہتر تفہیم پر توجہ دی جاتی ہے۔ ای ٹی وی بھارت کے لئے رامپور سے ابوالکلام کی رپورٹ