افغانستان سے فوجی انخلا پر جوبائیڈن کوغیرمنصفانہ تنقید کا سامنا: عمران خان

پا کستان کے وزیراعظم عمران خان کا کہنا ہے کہ افغانستان سے امریکی افواج کے انخلا کے معاملہ پر امریکی صدر جوبائیڈن پر غیر ضروری طریقے سے تنقید کیا گیا حالانکہ انہوں نے جو فیصلہ کیا ہے وہ دانشمندانہ تھا۔

پاکستان کے وزیر اعظم عمران خان نے حال ہی میں امریکی صدر جو بائیڈن کا دفاع کرتے ہوئے کہا کہ بائیڈن کو افغانستان سے فوجیوں کے انخلا کے معاملہ پر "غیر منصفانہ تنقید" کا سامنا کرنا پڑا ہے۔حالانکہ یہ ان کا دانشمندانہ فیصلہ تھا۔

قابل ذکر بات یہ ہے کہ عمران خان کو ابھی تک امریکی صدر کی طرف سے کوئی کال موصول نہیں ہوئی ہے۔ جمعہ کو روس ٹوڈے کو دیئے گئے ایک انٹرویو میں عمران خان نے کہا: "صدر بائیڈن پر بہت زیادہ غیر منصفانہ تنقید کی گئی تھی اور انہوں نے جو کیا وہ سب سے سمجھدار کام تھا۔

اس سے قبل سی این این کو انٹرویو دیتے ہوئے عمران خان نے کہا تھا کہ جو بائیڈن ایک "مصروف آدمی" ہیں۔

افغانستان کے تعلق سے عمران خان نے کہا کہ مہاجرین کے دور رس نتائج ہوں گے۔

ذرائع سے ملی اطلاع کے مطابق عمران خان نے اس بات سے بھی انکار کیا کہ اسلام آباد نے امریکی افواج کے خلاف جنگ میں طالبان کی مدد کی تھی۔