وزیر داخلہ کا جموں وکشمیر کی سکیورٹی صورتحال پر اہم اجلاس

یہ اہم میٹنگ افغانستان میں طالبان کی حکومت سازی کے دور روز بعد منعقد کی گئی ہے، کیونکہ تجزیہ نگاروں کا ماننا ہے کہ طالبان کے اقتدار سنبھالنے سے کشمیر کی صورتحال بھی متاثر ہوسکتی ہے۔

مرکزی وزیر داخلہ امت شاہ نے دلی میں جموں وکشمیر کی سکیورٹی صورتحال کا جائزہ لینے کے لیے ایک اہم میٹنگ کا انعقاد کیا، جس میں یونین ٹریٹری کے ایل جی منوج سنہا اور پولیس سربراہ دلباغ سنگھ موجود تھے۔

سیکورٹی صورتحال پر اہم میٹنگ

یہ اہم میٹنگ افغانستان میں طالبان کی حکومت سازی کے دور روز بعد منعقد کی گئی ہے کیونکہ تجزیہ نگاروں کا ماننا ہے کہ طالبان کے اقتدار سنبھالنے سے کشمیری کی صورتحال بھی متاثر ہوسکتی ہے۔ اس میٹنگ میں مرکزی وزیر داخلہ نے سیکورٹی صورتحال کا جائزہ لینے کے علاوہ تعمیراتی کاموں کا بھی جائزہ لیا۔ اس میٹنگ میں منوج سنہا، قومی سلامتی کے مشیر اجیت ڈوبھال، فوجی چیف جنرل ایم ایم نروانے، ہوم سیکریٹری اجے بھالا، انٹیلی جنس بیورو ڈائریکٹر اروندا کمار، راء چیف سمنت گوئل، بی ایس ایف ڈی جی پنکج سنگھ، سی آر پی ایف چیف کلدیپ سنگھ، پولیس سربراہ دلباغ سنگھ کے علاوہ جموں و کشمیر کے چیف سیکریٹری ارون کمار مہتا، ای ڈی جی سی آئی ڈی رشمی انجن سویئن موجود تھے۔

وزیر داخلہ نے جموں وکشمیر کی سکیورٹی صورتحال، اندرونی صورتحال، ایل او سی اور امن و قانون برقرار رکھنے کے لئے مزید اقدامات اٹھانے کی ہدایت دی۔