کیرالہ: 'بی جے پی اقتدار میں آئی تو لوجہاد پر پابندی عائد ہوگی'

مرکزی وزیر سدانند گوڑا نے کہا کہ کیرالہ میں اترپردیش کی ماڈل کی طرح لو جہاد پر پابندی عائد کی جائے گی۔

مرکزی وزیر سدانند گوڑا نے پیر کے روز کیرالہ کے وزیراعلی اور ریاستی حکومت پر سخت تنقید کی۔گوڑا نے کہا کہ کیرالہ جمہوری حکومت نہیں ہے۔اس کی حکمرانی میں شفافیت نہیں ہے۔ریاست میں قانونی انتظام درست نہیں ہے۔

انہوں نے مزید کہا کہ ریاست میں وزیراعلی کے کچھ قریبی لوگوں کی حکومت ہے۔سونے کی اسمگلنگ معاملے میں وزیراعلی کا دفتر ملوث ہے۔اسپیکر اور وزراء کے تعلقات ملزم سواپنا سریش سے ہیں۔وزیر اعلی ریاست کی ضروریات کے لئے مرکز سے رجوع کرنے سے گریزاں ہیں۔سی پی ایم نے ڈیواسوم بورڈ کو ایک سیاسی مرکز میں تبدیل کردیا ہے۔لیکن اگر بی جے پی اقتدار میں آتی ہے تو اس میں تبدیلی کی جائے گی۔

گوڑا نے کہا کہ بی جے پی کے اقتدار میں آنے کے بعد یہ طاقت عوام کو دے دی جائے گی۔کیرالہ میں لود جہاد موجود ہے اور عیسائی ہی اس کا سب سے بڑا شکار ہے۔

مرکزی وزیر نے کہا کہ اگر بی جے پی اقتدار میں آتی ہے تو یوپی ماڈل کے مطابق یہاں بھی لو جہاد پر پابندی عائد کی جائیگی۔