مگ۔21 طیارہ حادثہ کا شکار، فضائیہ کے گروپ کپتان کی موت

آج صبح وسطی بھارت میں مگ۔21 طیارہ حادثہ کا شکار ہوا جس میں انڈین ایئر فورس (آئی اے ایف) کے کپتان اے گپتا حادثہ میں ہلاک ہوگئے۔

وسطی بھارت میں واقع ایک ایئربیس پر جنگی تربیتی مشن کے دوران مگ۔21 طیارہ حادثہ کا شکار ہوا۔ انڈین ایئرفورس نے بتایا کہ اس حادثہ میں گروپ کپتان اے گپتا کی موت ہوگئی۔

مگ۔21 طیارہ حادثہ کا شکار، فضائیہ کے گروپ کپتان کی موت

اس پورے واقعہ کی عدالتی تحقیقات کا حکم دیا گیا ہے جبکہ اس المناک حادثہ میں آئی اے ایف نے اپنے ایک گروپ کپتان کو کھو دیا ہے۔

آئی اے ایف نے اپنے تعزیتی پیام میں گروپ کپتان کی موت پر گہرے دکھ اور متعلقین کے ساتھ ہمدردی کا اظہار کیا۔ بھارتی فضائیہ نے ایک ٹوئٹ میں کہا کہ ’عدالتی تحقیقات کا حکم دیا گیا ہے جس میں حادثہ کی وجوہات کا پتہ لگایا جائے گا‘۔