Ghulam Nabi Azad Public Rally کشمیر کا خصوصی درجہ بحال نہیں ہوگا: غلام نبی آزاد

غلام نبی آزاد نے خطاب کرتے ہوئے کہا کہ ہماری نئی پارٹی ریاستی کی ترقی کے لئے کام کرے گی اور اس پارٹی میں ہندو، مسلم، سکھ اور عیسائی سب کی گنجائش ہوگی جبکہ پارٹی کے نام اور پرچم کا انتخاب جموں و کشمیر کے عوام کرے گی۔ Ghulam Nabi Azad Public Rally

شمالی کشمیر کے ضلع بارہمولہ کے ڈاک بنگلہ میں آج کانگریس پارٹی کے سابق سینیئر رہنما غلام نبی آزاد کی قیادت میں ایک میگا ریلی کا اہتمام کیا گیا۔ غلام نبی آزاد نے خطاب کرتے ہوئے کہا کہ ہماری نئی پارٹی ریاستی کی ترقی کے لئے کام کرے گی اور اس پارٹی میں ہندو، مسلم، سکھ اور عیسائی سب کی گنجائش ہوگی جبکہ پارٹی کے نام اور پرچم کا انتخاب جموں و کشمیر کے عوام کرے گی۔ Ghulam Nabi Azad Public Rally

انہوں نے کہا آنے والے دس دنوں میں ہم اس پارٹی کو نام دیں گے اور لوگوں کے لئے کام کریں گے۔ انہوں نے کہا کہ اب وقت آگیا ہے کہ کہ مجھے لوگوں کا ساتھ چاہیے اور میں ان کو اپنا خون دینے کے لے تیار ہوں۔ غلام نبی آزاد نے وقت کے حکمرانوں پر الزام عائد کیا کہ انہوں نے کشمیر کے ساتھ وقتا فوقتا پر عام لوگوں کو دھوکہ دیا اور لگاتار ان کو بے بنیاد خواب دکھاتے رہے۔ Ghulam Nabi Azad Public Rally

غلام نبی آزاد عوام الناس کو اس بات سے آگاہ کرتا ہے میں ووٹ کی خاطر لوگوں کو یہ نہیں بول سکتا ہوں کہ آپ ووٹ ڈالو، میں 370 واپس لاوں گا، نہیں بلکہ میں جموں و کشمیر کے لوگوں کو سٹیٹ واپس دلاکر رہو ں گا جس کا میں لوگوں کے ساتھ وعدہ کرسکتا ہوں۔ انہوں نے مزید کہا کہ میں نے کافی تعداد میں یہاں کے لوگوں کو مشکلات میں دیکھا ہے اور کافی تعداد میں گھر اجڑگئے ہیں لیکن اس بار میں اور میرے لیڈر صاحبان کبھی اپنے لوگوں کے ساتھ دھوکہ نہیں کریں گے۔

Ghulam Nabi Azad Public Rally

اس دوران انہوں نے مزید کہا کہ عسکریت پسندی کی وجہ سے یہاں کے نوجوانوں کو کافی زیادہ نقصان ہوا ہے، کشمیر کے نوجوانوں کے ہاتھوں میں قلم کے بجائے اسلحہ دیا گیا جس سے یہاں کا نوجوان اور سسٹم پوری طرح سے تباہ اور برباد ہوگیا۔