PM Modi on Elections 2022 Triumph: 'یہ جشن بھارت کے لوگوں کے لیے ہے'

وزیر اعظم نریندر مودی نے کہا کہ اسمبلی انتخابات میں حصہ لینے والے ووٹروں کو مبارکباد دیتا ہوں اور ان کا شکریہ ادا کرتا ہوں۔ انہوں نے کہا کہ جس طرح ہماری ماؤں بہنوں اور نوجوانوں نے ہماری بھرپور حمایت کی ہے وہ ہمارے لیے بہت بڑی خوشی کی بات ہے۔ PM Modi on Elections 2022 Triumph

وزیر اعظم نریندر مودی نے چار اسمبلی انتخابات میں بھارتیہ جنتا پارٹی کی زبردست فتح پر خوشی کا اظہار کرتے ہوئے کہا کہ یہ جشن کا دن ہے اور یہ جشن بھارت کے لوگوں کے لئے ہے۔ یہ بات انہوں نے بی جے پی ہیڈکوارٹر میں کارکنوں سے خطاب کرتے ہوئے کہی۔PM Modi on Elections 2022 Triumph

انہوں نے کہا کہ اسمبلی انتخابات میں حصہ لینے والے ووٹروں کومبارکباد دیتا ہوں اور ان کا شکریہ ادا کرتا ہوں۔

پی ایم مودی نے کہا کہ جس طرح ہماری ماؤں بہنوں اور نوجوانوں نے ہماری بھرپور حمایت کی ہے۔ یہ ہمارے لیے بہت بڑی خوشی کی بات ہے۔ انہوں نے کہا کہ پہلی مرتبہ ووٹنگ کرنے والے ووٹروں نے ووٹنگ میں حصہ لے کر بی جے پی کی فتح میں نمایاں کردار ادا کیا ہے۔

انہوں نے کہا کہ ہم نے وعدہ کیا تھا کہ 10مارچ کو ہولی منائیں گے۔ اسی کے ساتھ انہوں نے دعوی کیا کہ ہم نے غریبوں کے لئے کام کیا اور ان کو ان کا حق دیا۔

یو این آئی