سکیورٹی فورسز نے جنوبی ضلع پلوامہ کے کھریو علاقہ میں ایک عسکریت پسند کو گرفتار کرنے کا دعویٰ کیا ہے۔ ذرائع کے مطابق اندروسہ کھریو علاقے میں فوج کو کچھ عسکریت پسندوں کی موجودگی کے بارے میں اطلاع موصول ہوئی جس کے بعد اونتی پورہ پولیس، آرمی 50 آر آر اور سی آر پی ایف 185 بٹالین نے اندروسہ علاقے کو محاصرے میں لیکر تلاشی کارروائی شروع کی۔
پولیس نے کھریو میں عسکریت پسند کو گرفتار کرنے کا دعویٰ کیا
مشترکہ آپریشن کے دوران علاقے کے میواہ باغات میں کچھ مشکوک نقل و حرکت دیکھی گئی۔ سکیورٹی فورسز نے ایک مشتبہ شخص کو دیکھا جو فرار ہونے کی کوشش کر رہا تھا لیکن فوج نے اس کا تعاقب کر کے اسے پکڑ لیا۔
پولیس نے بعد میں پکڑے گئے شخص کی شناخت حزب المجاہدن کے سرگرم عسکریت پسند شاہد احمد کھانڈے ولد عبدالرشید کھانڈے ساکن مندکپال، کھریو کے طور کی۔
پولیس کے مطابق مذکورہ شخص کے قبضے سے اسلحہ اور گولہ بارود سمیت مجرمانہ مواد برآمد کیا گیا ہے۔
