کرناٹک ہائی کورٹ کی خصوصی بنچ نے حجاب کے سلسلے میں جلد فیصلے کے واضح اشارے دیتے ہوئے وکلا کو ہدایت دی ہے کہ وہ رواں ہفتے تک اپنے دلائل مکمل کریں۔ یہ خصوصی بنچ طلبا کی طرف سے کلاس رومز میں حجاب پہننے کے حق کا مطالبہ کرنے والی درخواستوں پر غور کرنے کے لیے تشکیل دی گئی تھی۔Complete arguments by this Week
چیف جسٹس ریتو راج اوستھی نے ایڈوکیٹ جنرل (اے جی) پربھولنگ نوادگی سے کہا کہ وہ اپنی گذارشات کو جلد از جلد مکمل کریں۔ اے جی نے بنچ کے سامنے کہا کہ وہ (منگل) کو ہی اپنے دلائل مکمل کریں گے۔
چیف جسٹس اوستھی نے تمام وکلا کو بتایا کہ بنچ رواں ہفتے کے آخر میں کیس کی سماعت مکمل کرنا چاہتی ہے اور انہیں دلائل مختصر رکھنے کی ہدایت دی اور رواں ہفتے کے دوران ہی دلائل مکمل کرنے کے لیے مثبت کوشش کرنے کی بات کہی۔
اے جی نوادگی نے کہا کہ یہ مکمل طور پر درخواست گزار پر ہے کہ وہ یہ ثابت کرے کہ حجاب اسلام میں فرض ہے۔ انہوں نے قرآن کی 144 سورتیں پیش کی ہیں۔ عدالت نے ان سے اس سلسلے میں پوچھا بھی ہے۔ میز پر ایسا کوئی ریکارڈ موجود نہیں ہے جس سے ظاہر ہو کہ یہ رواج اسلام میں فرض ہے۔
مزید پڑھیں:۔Hearing Adjourned on Hijab: کرناٹک حجاب معاملہ کی سماعت ملتوی
اے جی نے بتایا کہ لباس پہننا بھی اظہار رائے کی آزادی میں شامل ہے، جیسا کہ درخواست گزاروں نے آرٹیکل 19 (1) (a) کے تحت ان کا بنیادی حق قرار دیا ہے۔ تاہم آرٹیکل 19 (1) (a) آرٹیکل 19 (2) کے تحت پبلک آرڈر شائستگی سے مشروط ہے۔ موجودہ کیس میں یکساں اصول ادارہ جاتی پابندی سے مشروط ہے اور یہ نہ صرف اسکولز بلکہ ہسپتالز، فوجی اداروں اور دیگر اداروں میں بھی ادارہ جاتی نظم و ضبط کے تابع ہے۔ یہ اصول ہیڈ اسکارف پہننے پر معقول پابندیاں عائد کرتا ہے۔
اے جی نے یہ بھی بتایا کہ یونیورسٹی سے پہلے تک یونیفارم کا تعین کیا جا رہا ہے کیونکہ اس وقت ان کی ذہنیت ناقابل تسخیر ہے۔ کیمپس میں حجاب پہننے پر کوئی پابندی نہیں ہے۔
اے جی نوادگی نے دلیل دی کہ صرف کلاس کے اوقات میں ہی کلاس رومز میں حجاب کی اجازت نہیں ہے اور یونیفارم کے علاوہ کسی بھی مذہبی لباس کی اجازت نہیں ہے۔
انہوں نے فرانس اور ترکی کی جانب سے عوامی مقامات پر حجاب پر مکمل پابندی کا بھی ذکر کیا۔ اس موقع پر جسٹس کرشنا ایس دکشت نے مداخلت کی اور کہا کہ یہ ہر ملک کی آئینی پالیسی پر منحصر ہے۔ اے جی نوادگی نے کہا کہ وہ صرف یہ کہنا چاہتے ہیں کہ ہمارے ملک میں ایسی کوئی ممانعت نہیں ہے۔
اے جی نوادگی نے پہلے کہا تھا کہ حجاب اسلام کا لازمی عمل نہیں ہے اور انہوں نے عدالت کو بتایا کہ کس طرح مختلف ہائی کورٹس اور سپریم کورٹ کے فیصلوں نے اسے برقرار رکھا ہے۔
اے جی نوادگی نے پیر کو بنچ کے سامنے وضاحت کی ہے کہ اسلام میں حجاب پہننا ایک ضروری مذہبی عمل نہیں ہے اور یہ آرٹیکل 25 کے تحت نہیں آسکتا ہے۔
