Tablighi Jamaat Case: غیرملکی تبلیغی جماعت معاملہ میں ہائی کورٹ کی دہلی پولیس کو پھٹکار

گزشتہ سال مارچ میں تبلیغی جماعت میں غیر ملکی شہریوں کو ٹھہرانے اور ان پر کورونا وائرس پھیلانے کے الزام Accused of Spreading Corona Virus پر دہلی ہائی کورٹ نے پیر کو دہلی پولیس کی زبردست سرزنش کی۔

دہلی ہائی کورٹ نے پولیس کو ریکارڈ پر یہ بتانے کا حکم دیا کہ کیا گزشتہ سال مارچ میں تبلیغی جماعت کے اجتماع میں شامل ہونے کے لیے درست پاسپورٹ اور ویزا پر آئے غیر ملکی شہریوں کو رہائش فراہم کرنے پر کوئی پابندی تھی؟

عدالت کے سوالوں کا ٹھیک سے جواب نہیں دینے پر دہلی پولیس کو پھٹکار Delhi Police Reprimanded لگاتے ہوئے دہلی ہائی کورٹ نے کہا کہ معاملہ میں کوئی جانچ نہیں ہوئی ہے۔ بھارت میں غیر ملکیوں کی آمد کی تاریخ کے بارے میں پولیس کے جواب دینے میں ناکام رہنے کے بعد جسٹس مکتا گپتا Justice Mukta Gupta نے کہا’ آپ کے افسر جانچ کرنے کے لائق نہیں ہیں‘

ہائی کورٹ نے پولیس سے زیر التوا معاملے کی اسٹیٹس رپورٹ Status Report of the Pending Case پیش کرنے کے لیے کہا ’آپ کو مجھے تفصیلی رپورٹ دینے کی ضرورت ہے تاکہ میں کچھ فیصلہ سنا سکوں۔‘

واضح رہے کہ تقریباً ایک درجن ایف آئی آر میں کم سے کم 48 افراد ملزم ٹھہرائے گئے ہیں، جنہیں ہائی کورٹ کے سامنے چیلنج کیا گیا ہے۔ دہلی ہائی کورٹ میں دہلی کے باشندوں نے عرضیاں داخل کر کے مقدمات واپس لینے کا مطالبہ کیا ہے۔