کیرلہ میں تیز بارش، دو منزلہ عمارت منہدم

کیرلہ کے متعدد علاقوں میں جمعہ کے روز سے موسلا دھار بارش ہو رہی ہے۔ تیز ہواؤں کے درمیان سمندر میں تیز لہریں اٹھ رہی ہیں۔ اسی درمیان ایک دو منزلہ مکان سمندر میں گر گیا۔ شکر ہے کہ کوئی بھی جانی نقصان کی اطلاع نہیں ہے۔

لکشدیپ کے جزائر اور بحیرہ عرب پر ایک کم دباؤ کا علاقہ بن رہا ہے۔ اس کی وجہ سے محکمہ موسمیات نے اتوار تک طاقتور طوفان 'توکتے' کے آنے کے امکان ظاہر کیے ہیں۔ اس کے وجہ سے کیرالہ کے مختلف حصوں میں تیز بارش جاری ہے۔

کیرالہ کے ضلع کاسرگوڈ میں موسلا دھار بارش کا سلسلہ جاری ہے۔ چیرنگی کا ساحلی علاقہ مسلسل بارشوں سے زیرِ آب ہے۔ سمندر میں اونچی لہریں بھی اٹھ رہی ہیں۔ اس کی وجہ سے کاسرگوڈ کے رہائشی موسیٰ کا دو منزلہ مکان بھی سمندر میں ڈوب گیا۔

اس حادثے میں کوئی جانی نقصان نہیں ہوا کیونکہ حادثہ پیش آنے سے قبل ہی مکان کو خالی کرا لیا گیا تھا۔ چرنگی علاقے میں متعدد مکانات کو بارش اور تیز ہواؤں کا خطرہ ہے۔ فوج کے 35 جوان اس قدرتی آفت میں بچاؤ کا کام کر رہے ہیں۔

ضلع انتظامیہ نے زون میں الرٹ کا اعلان کر دیا ہے۔ ضلع کے بیشتر علاقوں کی ندیوں کی آبی سطح کافی اضافہ ہوگیا ہے۔ وہیں، زراعت اور فصلوں کو نقصان پہنچنے کی اطلاع بھی ملی ہے۔ جمعہ کی رات ویلاریکنڈو تعلقہ میں 63 ملی میٹر بارش اور پیلی کوڈ کے علاقے میں 85.5 ملی میٹر بارش ہوئی ہے۔

واضح رہے کہ محکمہ موسمیات نے پانچ ساحلی ریاستوں مہاراشٹر، گجرات، تمل ناڈو، کیرالہ اور کرناٹک کو الرٹ جاری کیا ہے۔